పాకిస్థానీ నటులకు ఇండియన్ మూవీస్ లో ఆఫర్స్ ఇవ్వకూడదని బాల్ థాకరే అండ్ బ్యాచ్ రచ్చ రచ్చ చేయడమే కాక.. పాకిస్థానీ నటులు నటించిన బాలీవుడ్ సినిమాల రిలీజ్ ల విషయంలోనూ గొడవలు చేసిన విషయం తెలిసిందే. అయితే.. ప్రమోషన్స్ లో సదరు పాకిస్తానీ నటులు పాలుపంచుకోకూడదు అనే కండిషన్ మీద షారుక్ ఖాన్ “రయీస్”, రణబీర్ కపూర్ “ఏ దిల్ హై ముష్కిల్” సినిమాలు రిలీజ్ చేయడానికి పర్మిషన్ ఇచ్చారు.
అయితే.. ఆ ఇష్యూని అందరూ మర్చిపోయారు అనుకొంటున్న తరుణంలో మళ్ళీ రైజ్ చేసింది కంగనా రనౌత్. ఇటీవల ఒక ప్రముఖ న్యూస్ చానల్ నిర్వహించిన లైవ్ డిబేట్ లో పాల్గొన్న కంగనా ఈ విషయమై స్పందిస్తూ.. “అసలు పాకిస్థానీ నటులకు అవకాశం ఎందుకు ఇవ్వాలి, వాళ్ళు కనీసం ఇక్కడ ట్యాక్సులు కూడా కట్టరు. అలాంటిది వాళ్ళకి ఆఫర్లు ఎందుకు ఇవ్వాలి” అని ప్రశ్నించింది. ఇప్పుడు కంగనా వ్యాఖ్యలు ఎలాంటి సెన్సేషన్ క్రియేట్ చేస్తాయో చూడాలి.
