‘కార్తీక దీపం’ ఈ సీరియల్ కు ఉన్న క్రేజ్ ఎలాంటిదో మాటల్లో చెప్పలేము. ఈ ఒక్క సీరియల్ కు నమోదయ్యే టి.ఆర్.పి రేటింగ్ ఎన్ని బ్లాక్ బస్టర్ సినిమాలు టెలికాస్ట్ చేసినా రాదు’ అనడంలో అతిశయోక్తి లేదు. ఒకానొక టైంలో ఇండియాలోనే హైయెస్ట్ టి.ఆర్.పి రేటింగ్ సాధించిన సీరియల్ గా రికార్డులు సృష్టించింది కార్తీకదీపం. ఈ డైలీ సీరియల్ ఇంతలా పాపులర్ అవ్వడంలో ప్రేమి విశ్వనాథ్ పాత్ర ముఖ్యమైనదని చెప్పాలి. అదేనండీ.. వంటలక్క పాత్ర. డీ గ్లామరస్ గా కనిపించే ఈ పాత్ర.. పడే కష్టాలు, కన్నీళ్లు ప్రేక్షకులకు బాగా కనెక్ట్ అయ్యాయి.
సోషల్ మీడియాలో కూడా ‘వంటలక్క- డాక్టర్ బాబు ఎప్పుడు ఒకటవుతారు’ అంటూ బోలెడన్ని మీమ్స్ కూడా వస్తుంటాయి. సరే ఈ విషయాన్ని పక్కన పెట్టేస్తే.. ప్రేమీ విశ్వనాథ్ ఈ సీరియల్ కోసం ఎంత పారితోషికం అందుకుంటుంది అనే ప్రశ్న.. ఎప్పటి నుండో చక్కర్లు కొడుతూనే ఉంది. ఈమె ఈ సీరియల్ ప్రారంభంలో ఎపిసోడ్ కు రూ.25వేలు చొప్పున తీసుకునేదట. అటు తరువాత అది డబుల్ ట్రిపుల్ అయ్యిందని కూడా టాక్. ఇది పక్కన పెట్టేస్తే.. ఇటీవల ఈ అమ్మడు తన సోషల్ మీడియాలో ఒక ఫోటోని పోస్ట్ చేసింది. ఆ ఫొటోలో ప్రేమీ బ్లాక్ కార్ ముందు నిలబడి ఉండడాన్ని మనం గమనించవచ్చు.
దాంతో అసలు వంటలక్క ఆస్తుల లెక్క ఎంత వరకూ ఉండచ్చు అనే ప్రశ్నలు చక్కర్లు కొడుతున్నాయి. అందుతున్న సమాచారం ప్రకారం.. ప్రేమీ విశ్వనాథ్ కు రూ.36కోట్ల విలువగల ఆస్తులు ఉంటాయట. ఈమె భర్త డాక్టర్ వినీత్ భట్ 2017లో వరల్డ్ బెస్ట్ ఆస్ట్రాలజర్‌గా గుర్తింపు పొందాడన్న సంగతి తెలిసిందే. ఆయన భారీగా సంపాదించాడని టాక్. ఇక ప్రేమీ విశ్వనాథ్ కూడా యాడ్స్ లోనూ అలాగే కొన్ని కార్యక్రమాలకు హోస్ట్ గా కూడా వ్యవహరిస్తూ వస్తోంది. అంతేకాదు పలు సినిమాల్లో కూడా నటించడానికి ఓకే చెప్పిందని కూడా గతంలో వార్తలు వినిపించిన సంగతి తెలిసిందే.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
