ముందుగా రానున్న కాటమరాయుడు

పవర్ స్టార్ పవన్ కళ్యాణ్ ఫ్యాక్షన్ లీడర్ గా నటిస్తున్న కాటమరాయుడు సినిమా వేగంగా షూటింగ్ జరుపుకుంటోంది.  డాలీ దర్శకత్వంలో తెరకెక్కుతున్న ఈ చిత్రంలో హీరోయిన్ గా శృతిహాసన్ నటిస్తోంది. రాయలసీమ నేపథ్యంలో సాగే ఈ ఫిల్మ్ ని నార్త్ స్టార్ ఎంటర్టైన్ మెంట్ పతాకంపై శరత్ మరార్ నిర్మిస్తున్నారు. ఈ మూవీ టీజర్ ఈనెల 26 న రిలీజ్ అవుతుందని అందరూ ఎదురుచూసారు. కానీ ప్రత్యేక హోదా కారణంగా వాయిదా వేశారు. ప్రస్తుతం టీజర్ ని ఫిబ్రవరిని 5 విడుదల చేయడానికి సిద్ధమయ్యారు. అలాగే చిత్ర రిలీజ్ విషయంలో ఓ నిర్ణయం తీసుకున్నారు.

తొలుత ఈ చిత్రాన్ని ఉగాది కానుకగా మార్చి 29 న థియేటర్లలోకి తీసుకురావాలని భావించారు. అయితే తాజాగా అందిన సమాచారం ప్రకారం అనుకున్న తేదీ కంటే ఐదు రోజుల ముందుగానే కాటమరాయుడు థియేటర్లోకి రానున్నాడు. అంటే మార్చి 24 ఈ చిత్రాన్ని విడుదల చేయాలనీ చిత్ర బృందం నిర్ణయం తీసుకున్నట్లు తెలిసింది. ఈ రెండు విషయాలను నిర్మాత  అధికారికంగా త్వరలో ప్రకటించనున్నారు.

Also, do SUBSCRIBE to our YouTube channel to get latest Tollywood updates.