క్రిస్మస్ కానుకగా విడుదలై మంచి టాక్ ను సంపాదించుకున్న చిత్రం ‘మత్తు వదలరా’. కీరవాణి కొడుకులతో సింహా ఈ చిత్రంలో హీరోగా మరో కొడుకు కాలభైరవ సంగీత దర్శకుడిగా ఈ చిత్రానికి పనిచేసారు. ఇక చిత్రానికి మంచి టాక్ రావడంతో.. కలెక్షన్లు కూడా బాగుండడంతో సక్సెస్ మీట్ ను ఏర్పాటు చేశారు నిర్మాతలు. ఇందు కోసం చీఫ్ గెస్ట్ గా మ్యూజిక్ డైరెక్టర్ కీరవాణి ని కూడా ఆహ్వానించారు. ఇక పుత్రోత్సాహం లో ఉన్న కీరవాణి స్టేజి పైకి వచ్చి తన కొడుకుల్ని పొగడడం మానేసి.. ఇప్పటి సినిమాలు.. వాటి సక్సెస్ మీట్ల పై సెటైర్లు వేయడం పెద్ద టాక్ ఆఫ్ ది టౌన్ అయ్యింది.
స్టేజి పైకి వచ్చిన తర్వాత కీరవాణి.. ‘మత్తు వదలరా’ నిర్మాత చెర్రీని పలకరిస్తూ “చెర్రీ.. రిజల్ట్ బాగుందా. మంచి మంచి న్యూసులు వినబడుతున్నాయి. ఇది సక్సెస్ మీటా ఏంటి?” అంటూ చమత్కారంగా అడిగారు. ఆ తర్వాత “ఎందుకంటే ‘టాలీవుడ్ డిక్షనరీ’ వేరే ఉంది. ‘బాబుగారు’ అంటే హీరో.. ‘సక్సెస్ మీట్’ అంటే సినిమా ఫ్లాప్ అని అర్థం అంటూ ఘాటు కామెంట్స్ చేసాడు. ‘మన సినిమా బాగానే ఉందిగా” అంటూ వ్యంగ్యంగా ప్రశ్నించారు. ఈ కామెంట్స్ పై కీరవాణి పై సెటైర్లు గట్టిగానే పడుతున్నాయి. ఇండస్ట్రీలో తమ సినిమాని కాపాడుకోవడానికి.. డబ్బులు రావడానికి సక్సెస్ మీట్ లు పెట్టి ప్రమోషన్లు చేస్తుంటారు. ఇది బహిరంగ రహస్యమే..! ఎంత సక్సెస్ మీట్ లు పెట్టినా ప్రేక్షకులు చూస్తారు అన్న గ్యారంటీ లేదు. సినిమా పై క్రేజ్ ఉంటే జనాలు చూస్తారు. లేకపోతే ఎంత పెద్ద సినిమా అయినా పట్టించుకోరు. ఈ కామెంట్స్ బయటి వాళ్ళు చేస్తే.. పర్వాలేదు. కానీ కీరవాణి ఎంతో సీనియర్ అయ్యుండి ఇలాంటి కామెంట్స్ చేయడం సబబు కాదనే చెప్పాలి.
ఈ ఏడాది ఓవర్సీస్ లో అత్యధిక కలెక్షన్లు రాబట్టిన సినిమాలు!
2019లో మరణించిన తారలు?
ఈ ఏడాది డిజాస్టర్ సినిమాలు ఇవే..?
