Keerthy Suresh: కీర్తి సురేష్ పూర్వీకుల ఇల్లు ఇదే.. వైరల్ అవుతున్న ఫోటోలు..!

November 23, 2022 / 02:36 PM IST

కీర్తి సురేష్.. ‘మహానటి’ తో నేషనల్ అవార్డ్ అందుకుని.. లేడీ ఓరియంటెడ్ సినిమాలకు కేరాఫ్ అడ్రస్‌గా మారింది. స్టార్ హీరోల పక్కన కూడా మూవీస్ చేస్తూ ఫుల్ బిజీగా ఉంది. అయితే ఎప్పుడూ లైట్స్, కెమెరా, యాక్షన్ సౌండ్స్ మధ్య గడిపే కీర్తి ఇప్పుడు తన ప్రొఫెషన్ నుండి కాస్త బ్రేక్ తీసుకుంది..సాధారణంగా స్టార్స్ రిలాక్స్ అవడానికి విదేశాలకు, లేదా.. గోవా, మాల్దీవ్స్ లాంటి ప్లేసెస్‌కి వెకేషన్ ట్రిప్ ప్లాన్ చేస్తుంటారు కానీ కీర్తి సురేష్ తన ఫ్యామిలీతో కలిసి తమిళనాడులోని తమ పూర్వీకుల ఇంటికి వెళ్లింది..

పేరుకి పెద్ద స్టార్ అయినప్పటికీ సాంప్రదాయాలను, మూలాలను మర్చిపోలేదు కీర్తి.. కుటుంబంతో కలిసి తమిళనాడులోని తిరుకురున్ గుడిలో గల తమ పూర్వీకుల ఇంటిని.. దాంతో పాటు అక్కడే ఉన్న 8వ శతాబ్దానికి చెందిన ఆలయాన్ని కూడా సందర్శించింది..కీర్తి పూర్వీకుల ఇళ్లు చూస్తుంటే.. మన తాతల కాలం నాటి ఇళ్లు గుర్తొస్తాయి. ఈ జెనరేషన్ వాళ్లు సినిమాల్లో మాత్రమే చూసినట్లు అనిపించేలా.. చిన్న సందులో.. తక్కువ విస్తీర్ణంలో ఉంది కీర్తి పూర్వీకుల హౌస్..

ఎంతో అద్భుతంగా నిర్మించిన ఇల్లంతా కలియతిరుగుతూ.. అక్కడ కాసేపు సేదతీరింది.. సెలబ్రిటీ అయినా కానీ కీర్తి సురుష్ తన మూలాలను మర్చిపోలేదంటూ ఫ్యాన్స్, నెటిజన్లు కామెంట్స్ చేస్తున్నారు. ఇప్పుడు సోషల్ మీడియాలో కీర్తి తమ పూర్వీకుల ఇంటిని విజిట్ చేసిన పిక్స్ వైైరల్ అవుతున్నాయి..