‘రంగ రంగ వైభవంగా’ సినిమా ప్రచార చిత్రాల్లో వైష్ణవ్‌ తేజ్‌ ఎంత యాక్టివ్‌గా కనిపిస్తున్నాడో, హీరోయిన్‌ కేతిక శర్మ కూడా అంతే అట్రాక్టివ్‌గా కనిపిస్తోంది. ఫ్యాషన్‌ డ్రెస్‌ల్లో అయినా, చీర కట్టులో అయినా సూపర్‌ క్యూట్‌ ఉంది అంటూ కామెంట్స్ వినిపిస్తున్నాయి. ప్రచార చిత్రాలు చూస్తుంటే సినిమా అంతా హీరో, హీరోయిన్ల మద్య సాగుతుందని అర్థమవుతోంది. అమ్మాయి కళ్లల్లో ఏదో మ్యాజిక్‌ ఉంది అని అంటున్నారు. ఈ విషయం దర్శకుడు గిరీశాయ దగ్గర ప్రస్తావిస్తే ఆయన కూడా అదే మాట అంటున్నారు.
ఈ సినిమా ప్రచారంలో భాగంగా కేతిక శర్మ ఇప్పుడు హైదరాబాద్‌లోనే ఉంది. ఈ క్రమంలో ఇప్పటికే మూడు సినిమాలు చేశారు. ముగ్గురు హీరోల గురించి చెప్పండి అని అడిగితే.. ఆసక్తికరమైన విషయాలు చెప్పుకొచ్చింది. దీంతో ఆ విషయాలు ఇప్పుడు సోషల్‌ మీడియాలో వైరల్‌గా మారాయి. ఒక్కో హీరో గురించి వివరంగా ఆమె చెప్పడం బాగుంది అని అంటున్నారు. ఇంతకీ ఆమె ఏమందంటే?…‘రొమాంటిక్‌’ సినిమాతో కేతిక శర్మ టాలీవుడ్‌కి పరిచయమైన విషయం తెలిసిందే.
పేరుకు తగ్గట్టే సినిమా కాస్త రొమాంటిక్‌గానే ఉంటుంది. మోతాదుకు మించిన ముద్దులు, హగ్గులు ఉన్నాయి కూడా. ఆ సినిమా హీరో ఆకాశ్‌ గురించి చెప్పమటే.. ‘‘నా మొదటి హీరో ఆకాశ్‌ పూరి నాకంటే వయసులో చిన్నవాడు. అతనితో ఫ్రెండ్లీగా ఉండేదాన్ని’’ అని చెప్పింది. మరి రెండో సినిమా నాగశౌర్యతో ‘లక్ష్యం’ చేసింది కేతిక. ఆయన గురించి చెబుతూ.. ‘‘శౌర్య నా కంటే పెద్దవాడు. మంచి వ్యక్తి’’ అని చెప్పింది.
ఇక లేటెస్ట్‌ హీరో వైష్ణవ్‌ గురించి చెప్పమంటే ‘‘వైష్ణవ్‌ నాతోటి వాడు కదా. మేమిద్దరం టామ్‌ అండ్‌ జెర్రీలా ఉంటాం’’ అని క్యూట్‌గా చెప్పింది కేతిక శర్మ. ‘రంగ రంగ వైభవంగా’ సినిమాలో రాధకి మీకు ఏమన్నా దగ్గరగా ఉంటుందా? అని అడిగితే.. ‘‘నేనైతే అలా అనుకోవడం లేదు. కాకపోతే సినిమాలో ఇష్టమైన వాళ్లు ఏం అడిగినా రాధ ఇచ్చేస్తుంది. నిజ జీవితంలో నేనూ అంతే. కానీ రాధ, కేతిక ఒకేలా ఉండరు’’ అని చెప్పింది కేతిక.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home