ఉప్పెన సినిమాతో వైష్ణవ్ తేజ్ ఊహించని స్థాయిలో గుర్తింపును సంపాదించుకున్నారు. ఈ సినిమాకు బాక్సాఫీస్ వద్ద భారీస్థాయిలో కలెక్షన్లు దక్కాయి. అయితే కొండపొలం సినిమా కమర్షియల్ గా సక్సెస్ సాధించకపోవడంతో వైష్ణవ్ తేజ్ కు నిరాశ ఎదురైంది. వైష్ణవ్ తేజ్, కేతికా శర్మ హీరోహీరోయిన్లుగా గిరీశయ్య డైరెక్షన్ లో తెరకెక్కిన రంరంగ వైభవంగా సినిమా నుంచి తాజాగా టీజర్ విడుదలైంది. యూత్ ను ఆకట్టుకునేలా టీజర్ ఉండగా ఖుషీ మేనరిజమ్స్ టీజర్ లో రిపీట్ అయ్యాయి.
రొమాంటిక్ తో తెలుగు ప్రేక్షకులకు పరిచయమైన కేతిక శర్మ ఈ సినిమాతో ప్రేక్షకులను ఆకట్టుకోవడం గ్యారంటీ అని కామెంట్లు వ్యక్తమవుతున్నాయి. టీజర్ కు కేతిక శర్మ హైలెట్ గా నిలవడంతో పాటు తన హావభావాలతో ప్రేక్షకులను కట్టిపడేశారు. కృతిశెట్టి, శ్రీలీలకు కేతిక శర్మ నుంచి గట్టి పోటీ ఎదురయ్యే ఛాన్స్ అయితే ఉంది. ఈ హీరోయిన్ల జాబితాలో కేతిక చేరినట్టేనని ఫ్యాన్స్ భావిస్తున్నారు. ఇప్పటికే ఈ సినిమా నుంచి విడుదలైన రెండు పాటలకు ప్రేక్షకుల నుంచి మంచి రెస్పాన్స్ వచ్చింది.
రంగరంగ వైభవంగా బాక్సాఫీస్ వద్ద కమర్షియల్ గా సక్సెస్ ను సొంతం చేసుకుంటుందేమో చూడాల్సి ఉంది. వైష్ణవ్ తేజ్ కెరీర్ కు ఈ సినిమా సక్సెస్ సాధించడం కీలకమని చెప్పవచ్చు. వైష్ణవ్ కెరీర్ విషయంలో ఆచితూచి అడుగులు వేస్తున్నారు. బీ.వీ.ఎస్.ఎన్ ప్రసాద్ ఈ సినిమాకు నిర్మాతగా వ్యవహరిస్తుండగా ఈ సినిమాతో నిర్మాతగా మరో సక్సెస్ ను అందుకుంటానని ఆయన కాన్ఫిడెన్స్ తో ఉన్నారు.
పలువురు మెగా హీరోలతో సినిమాలను నిర్మించి సక్సెస్ లను అందుకున్న ఈ నిర్మాత తర్వాత ప్రాజెక్ట్ ల విషయంలో ఎలాంటి ఫలితాన్ని అందుకుంటారో చూడాల్సి ఉంది. వైష్ణవ్ తేజ్ ప్రస్తుతం ఒక్కో సినిమాకు 4 కోట్ల రూపాయల రేంజ్ లో రెమ్యునరేషన్ తీసుకుంటూ ఉండటం గమనార్హం.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
