Yash Car Cost: ఖరీదైన లగ్జరీ కారును కొనుగోలు చేసిన కె.జి.ఎఫ్ హీరో!

June 17, 2023 / 12:09 PM IST

‘కె.జి.ఎఫ్ చాప్టర్ 1’ ‘కె.జి.ఎఫ్ చాప్టర్ 2’ చిత్రాలతో ఇండియాలోనే బిగ్గెస్ట్ స్టార్స్ లో ఒకడిగా చేరిపోయాడు యష్. రాఖీ భాయ్ గా అతను తెలుగులో కూడా చాలా ఫేమస్ అయిపోయాడు. కన్నడ హీరోలకు రూ.40 కోట్ల మార్కెట్ ఉంటే గొప్ప అనుకున్న టైంలో ‘కె.జి.ఎఫ్'(సిరీస్) తో రూ.1000 కోట్ల హీరో అయిపోయాడు యష్. ఆ ఒక్క సినిమా ఇతని ఇమేజ్ ను పూర్తిగా మార్చేసింది. ప్రస్తుతం అతను సైన్ చేసే ఒక్కో సినిమాకి రూ.70 కోట్ల నుండి రూ.100 కోట్ల వరకు పారితోషికం అందుకుంటున్నట్టు వినికిడి.

కానీ అతన్ని మార్కెట్ ను దృష్టిలో పెట్టుకుని సినిమాలు చేసే దర్శకులు కన్నడలో లేరు. ప్రస్తుతం నార్తన్ అనే దర్శకుడితో ఓ సినిమా చేస్తున్నాడు యష్. ఇందులో పూజా హెగ్డే హీరోయిన్. ఇదిలా ఉండగా.. యష్ లగ్జరీ లైఫ్ గురించి అందరికీ తెలిసిందే ఉంటుంది. ఖరీదైన విల్లాలు అతని సొంతం అయ్యాయి. అతని భార్య రాధికా పండిట్ కూడా హీరోయిన్ అనే సంగతి తెలిసిందే.

ఇక ఈ జంట యాడ్స్ లో కూడా నటిస్తూ బాగా సంపాదిస్తున్నారు. ఇదిలా ఉండగా.. (Yash) యష్ తాజాగా ఓ కొత్త కారు కొనుగోలు చేశాడు. ల్యాండ్ రోవర్ కంపెనీకి చెందిన ఓ రేంజ్ రోవర్ ను అతను కొనుగోలు చేసినట్టు తెలుస్తుంది. దీని ఖరీదు సుమారు రూ.4 కోట్లు ఉంటుందని అంచనా. యష్ ఇంటి వద్ద ఉన్న కార్ గ్యారేజీలో మరో రెండు ఖరీదైన కార్లు ఉన్నట్టు స్పష్టమవుతుంది. ఇప్పుడు మరో కార్ వచ్చి చేరిందన్న మాట.