ఇక్కడ ఫ్లాపైన కిరాక్ పార్టీ అక్కడ హిట్ అవుతుందా?

క‌న్న‌డ‌లో సూప‌ర్ హిట్ సాధించిన కామెడీ చిత్రం కిరిక్ పార్టీ తెలుగులో రీమేక్ అయిన సంగ‌తి తెలిసిందే. నిఖిల్ ప్ర‌ధాన పాత్ర‌లో కిరిక్ పార్టీ రీమేక్ కాగా, ఏకే ఎంట‌ర్ టైన్ మెంట్స్ బేన‌ర్ పై డెబ్యూ ద‌ర్శ‌కుడు శ‌ర‌ణ్ ఈ చిత్రాన్ని తెర‌కెక్కించాడు. చిత్రానికి చందూ మొండేటి డైలాగ్స్ రాసాడు. సుధీర్ వ‌ర్మ స్క్రీన్ ప్లే అందించాడు. సంయుక్తా హెగ్డే .. సిమ్రాన్ పరీన్జా క‌థానాయిక‌లుగా న‌టించారు . అజ‌నీష్ లొక‌నాథ్ ఈ చిత్రానికి సంగీతం అందించాడు. వెరైటీ క‌థాంశంతో ప్ర‌యోగాత్మ‌కంగా రూపొందిన ఈ చిత్రం తెలుగు అభిమానుల‌ని అంత‌గా అల‌రించ‌లేక‌పోయింది.

అయితే ఇప్పుడు ఈ మూవీని హిందీలో రీమేక్ చేస్తున్నారు. ఈ విష‌యాన్ని ఫిలిం క్రిటిక్ త‌ర‌ణ్ ఆద‌ర్శ్ త‌న ట్వీట్ ద్వారా తెలియ‌జేశారు. కార్తీక్ ఆర్య‌న్‌, జాక్వెలిన్ ఫెర్నాండేజ్ ప్ర‌ధాన పాత్ర‌ల‌లో తెర‌కెక్క‌నున్న ఈ చిత్రాన్ని నేష‌న‌ల్ అవార్డ్ విన్న‌ర్ అభిషేక్ జైన్ డైరెక్ట్ చేయ‌నున్నాడు. అజ‌య్ క‌పూర్, ధీర‌జ్ వ‌ద‌వ‌న్‌, వ్రితిక ల‌య‌క‌ర్ సంయుక్తంగా ఈ మూవీని నిర్మించ‌నున్నారు. ఇంజ‌నీరింగ్ స‌మ‌యంలో స్నేహితుల మ‌ధ్య జ‌రిగే స‌ర‌దా జ‌ర్నీ నేప‌థ్యంలో కిరిక్ పార్టీ చిత్రం రూపొంద‌నుంది. హిందీలో ఈ చిత్రానికి ఏ టైటిల్ పెడ‌తారో చూడాలి.