సినిమా హిట్‌ కొట్టి… అందులో హీరోయిన్‌కు మంచి పేరు వస్తే… ఇక తట్టుకోవడం చాలా కష్టం. తాజాగా టాలీవుడ్‌లో అలాంటి పొజిషన్ ఉన్న కథానాయిక కృతి శెట్టి. ‘ఉప్పెన’ విజయం సాధించడంతో ఈ అమ్మడు మంచి జోరు మీద కనిపిస్తోంది. వరుస సినిమాలు ఓకే చేసేస్తోంది ఏమైనా తప్పుడు నిర్ణయాలు తీసుకుంటుందేమో అని కొందరు అనుకున్నారు. అయితే సినిమాల ఎంపిక విషయంలో ఆచితూచి అడుగులు వేస్తోందట. ఇటీవల ఓ సినిమా అవకాశం వస్తే నో చెప్పిందట.
‘ఉప్పెన’లో కృతి లుక్‌ అలా వచ్చిందో లేదో.. జనాలకు పట్టేసింది. ట్విటర్‌లో డీపీగా మారిపోయింది, ఇన్‌స్టాలో స్టోరీ అయిపోయింది. పనిలో పనిగా బేబమ్మ ఓవర్‌నైట్‌ స్టార్ అయిపోయింది. ఈ క్రమంలో ఇంద్రగంటి మోహన్‌ కృష్ణ కంట్లో పడి సుధీర్‌బాబు సరసన ‘ఈ అమ్మాయి గురించి మీకు చెప్పాలి’లో అమ్మాయిగా మారిపోయింది. ఆ వెంటనే నాని సరసన ‘శ్యామ్‌ సింగ రాయ్‌’లో ఛాన్స్‌ కొట్టేసింది. రామ్‌ – లింగుస్వామి సినిమాలో నాయిక అయిపోయింది.
దీంతో ఆమె డైరీ ఫుల్‌ అయిపోయినట్లుంది. తాజాగా దగ్గుబాటి అభిరామ్‌ సరసన అడిగితే నో చెప్పిందట కృతి. తేజ దర్శకత్వంలో అభిరామ్‌ ఇండస్ట్రీ ఎంట్రీ ఇవ్వనున్నాడని చాలా రోజుల నుండి వార్తలొస్తున్నాయి. ఇప్పుడు ఈ సినిమా కోసం అడిగితేనే కృతి నో చెప్పిందట. అయితే ఆమె నో అనడానికి కారణాలేంటో తెలియడం లేదు. వరుస సినిమాల వల్ల డేట్స్‌ లేవా… లేక ఇంకేదైనా కారణం ఉందా అనేది తెలియడం లేదు. అయినా ఒక సినిమా అనుభవంతోనే ఇలా అనడం?
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
