Naga Chaitanya: బాలీవుడ్ విషయంలో చైతన్య కోరుకున్నది జరిగిందా?

August 18, 2022 / 01:29 PM IST

టాలీవుడ్ ప్రముఖ హీరోలలో ఒకరైన నాగచైతన్య లాల్ సింగ్ చడ్డా సినిమాతో బాలీవుడ్ ఇండస్ట్రీలో అదృష్టాన్ని పరీక్షించుకున్నారనే సంగతి తెలిసిందే. అయితే వేర్వేరు కారణాల వల్ల యావరేజ్ రిజల్ట్ ను సొంతం చేసుకోవాల్సిన ఈ సినిమా డిజాస్టర్ రిజల్ట్ ను అందుకుంది. ఈ సినిమా ఆశించిన ఫలితాన్ని అందుకోకపోయినా చైతన్యకు లాభమే తప్ప నష్టం లేదని కామెంట్లు వ్యక్తమవుతున్నాయి. లాల్ సింగ్ చడ్డా సినిమాలో అమీర్ ఖాన్ తర్వాత మంచి ప్రాధాన్యత ఉన్న పాత్రలో చైతన్య నటించారు.

నాగార్జున కొడుకు కావడంతో బాలీవుడ్ మీడియా వర్గాల్లో కూడా నాగచైతన్య పేరు మారుమ్రోగింది. సమంత మాజీ భర్త కావడంతో సమంతకు సంబంధించిన వార్తల ద్వారా కూడా హిందీలో నాగచైతన్య పేరు వినిపిస్తోంది. లాల్ సింగ్ చడ్డా ఫ్లాపైనా చైతన్య తర్వాత సినిమాలు పాన్ ఇండియా సినిమాలుగా విడుదలైతే ఆ సినిమాలకు బెనిఫిట్ కలుగుతుందని చెప్పవచ్చు. స్టార్ హీరో నాగార్జునకు హిందీలో మంచి గుర్తింపు ఉంది.

శివ రీమేక్ తో హిందీ ప్రేక్షకులకు దగ్గరైన నాగార్జున మరికొన్ని హిందీ సినిమాలలో నటించి అక్కడి ప్రేక్షకుల మెప్పు పొందారు. అయితే తర్వాత కాలంలో నాగార్జున హిందీ సినిమాలపై పెద్దగా దృష్టి పెట్టలేదు. అయితే డబ్బింగ్ సినిమాల ద్వారా నాగార్జునకు హిందీ ప్రేక్షకుల్లో మంచి పేరు, గుర్తింపు ఉంది. నాగచైతన్య సైతం లాల్ సింగ్ చడ్డా సినిమాకు ముందే డబ్బింగ్ సినిమాల ద్వారా ప్రేక్షకులను ఆకట్టుకున్నారు.

నాగచైతన్య భవిష్యత్తు ప్రాజెక్ట్ లు భారీ బడ్జెట్ తోనే తెరకెక్కనున్నాయి. ఈ సినిమాలతో చైతన్య కచ్చితంగా సక్సెస్ సాధించాల్సి ఉంది. ఈ సినిమాలు హిందీలో విడుదలవుతాయో లేదో క్లారిటీ రావాల్సి ఉంది. చైతన్య తర్వాత ప్రాజెక్ట్ లతో సక్సెస్ లను సొంతం చేసుకోవాలని ఆయన అభిమానులు కోరుకుంటున్నారు. నాగచైతన్యకు రోజురోజుకు క్రేజ్ పెరుగుతుందే తప్ప తగ్గడం లేదు.