కోలీవుడ్ స్టార్ హీరో విజయ్ కి తెలుగు నాట కూడా మంచి మార్కెట్ ఏర్పడిందన్న సంగతి ప్రత్యేకించి చెప్పనవసరం లేదు. ప్రస్తుతం టాలీవుడ్లో ఎక్కువ మార్కెట్ కలిగిన తమిళ హీరోగా విజయ్ నిలిచాడు. ఈ ఏడాది సంక్రాంతికి విజయ్ నుండి వచ్చిన ‘వారసుడు’ సినిమా నెగిటివ్ టాక్ ను మూటగట్టుకున్నప్పటికీ, బాక్సాఫీస్ వద్ద బ్రేక్ ఈవెన్ సాధించి క్లీన్ హిట్ గా నిలిచింది. ఇక ఇప్పుడు ‘లియో’ తో ప్రేక్షకుల ముందుకు వచ్చాడు విజయ్.
లోకేష్ కనగరాజ్ డైరెక్ట్ చేసిన ఈ చిత్రం (LEO) అక్టోబర్ 19 న అంటే ఈరోజు దసరా కానుకగా రిలీజ్ అయ్యింది. అయితే మొదటి షోతోనే ఈ మూవీకి మిక్స్డ్ టాక్ వచ్చింది. అయితే విడుదలకు ముందే ఈ సినిమాకి భారీ హైప్ ఏర్పడింది. అందువల్ల అడ్వాన్స్ బుకింగ్స్ భారీ స్థాయిలో నమోదయ్యాయి. అయితే మ్యాట్నీల నుండి బుకింగ్స్ కాస్త తగ్గాయి అనే చెప్పాలి.
అయినప్పటికీ మొదటి రోజు ఈ సినిమా తెలుగు రాష్ట్రాల్లో రూ.15 కోట్ల గ్రాస్ కలెక్షన్లను, రూ.8 కోట్ల వరకు షేర్ ను నమోదు చేసే అవకాశం ఉంది. విజయ్ కెరీర్లో హైయెస్ట్ ఓపెనింగ్స్ ‘మాస్టర్’ చిత్రానికి నమోదయ్యాయి. అది కూడా విజయ్ – లోకేష్ కాంబినేషన్లో రూపొందిన మూవీనే..! ఇప్పుడు ‘లియో’ తెలుగు రాష్ట్రాల్లో ‘మాస్టర్’ ని మించి కలెక్ట్ చేసి కొత్త రికార్డులు సృష్టిస్తుందో లేదో.. అనేది ఆసక్తికరంగా మారింది అని చెప్పాలి
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
