బ్రహ్మోత్సవం సినిమా తర్వాత సూపర్ స్టార్ మహేష్ బాబు చేస్తున్న సినిమా సెట్స్ మీదకు వెళ్లింది. ప్రముఖ కమర్షియల్ డైరక్టర్ ఏ.ఆర్.మురుగదాస్ తమిళం, తెలుగు భాషల్లో రూపొందించనున్నఈ చిత్రం షూటింగ్ నేడు (శుక్రవారం) ప్రారంభయింది. న్యాయవ్యవస్థపై సెటైర్ గా సాగే కథతో ఈ మూవీని ఠాగూర్ మధుతో కలిసి ఎన్.వి.ప్రసాద్ నిర్మిస్తున్నారు. 80 కోట్ల బడ్జెక్ట్ తో తెరకెక్కుతున్న ఇందులో హీరోయిన్ గా మొదట్లో బాలీవుడ్ సుందరి పరిణీతి చోప్రాను అనుకున్నారు.
ఆ ప్లేస్ ని ఫిట్ బ్యూటీ రకుల్ ప్రీతీ సింగ్ దక్కించుకుంది. హైదరాబాద్ లోని ఓ స్టూడియోలో వేసిన భారీ సెట్ లో మహేష్, రకుల్ పై పాట చిత్రీకరించనున్నట్లు సమాచారం. ఈ పాటను నెల రోజుల క్రితమే హరీష్ జై రాజ్ కంపోజింగ్ పూర్తి చేశారని తెలిసింది. జాతీయ అవార్డు గ్రహీత సంతోష్ శివన్ తొలిసారి తెలుగు చిత్రానికి సినిమాటోగ్రాఫర్ గా పనిచేస్తున్నారు. ఇక్కడ సాంగ్ షూటింగ్ పూర్తి అయినా వెంటనే టీమ్ మొత్తం పుణే కి వెళ్లనుంది. అక్కడ కీలక సన్నివేశాలను నెల రోజుల పాటు చిత్రీకరించనున్నారు. తమిళ దర్శకుడు ఎస్.జె.సూర్య ఇందులో విలన్ గా నటిస్తున్నారు. ఇలా ఎన్నో ప్రత్యేకతలున్న ఈ సినిమా షూటింగ్ మొదలు కావడంతో మహేష్ అభిమానుల్లో ఆనందం వెల్లివిరుస్తోంది. శుక్రవారం సోషల్ మీడియాలో #మహేష్ 23 అనే వర్డ్ ట్రెండింగ్ అవుతోంది. నెటిజనులు చిత్ర బృందానికి ఆల్ ది బెస్ట్ చెప్పారు.
