మహేష్ బాబు కేవలం సినిమాలతోనే కాదు.. బ్రాండ్ అంబాసిడర్ గా కూడా సౌత్ లో టాప్ ఆర్డర్ లో ఉన్నాడు. ప్రస్తుతం మరో బ్రాండ్ కంపెనీకి అంబాసిడర్ గా పనిచేయడానికి రెడీ అయ్యాడు. బాలీవుడ్ లో కింగ్ ఖాన్ షారుక్ బ్రాండ్ అంబాసిడర్ గా పనిచేస్తున్న ‘డెన్వర్ డియోస్’ కి ఇప్పుడు సౌత్ నుండీ మహేష్ బ్రాండ్ అంబాసిడర్ గా పనిచేయబోతున్నాడు. ఈ సందర్బంగా ఏర్పాటు చేసిన ప్రెస్ మీట్లో పాల్గొన్న మహేష్… తన ‘సెన్స్ ఆఫ్ హ్యూమర్’ తో కొన్ని ఫన్నీ సెటైర్లు వేసాడు.
ఇందులో భాగంగా.. ‘ఇది వాలెంటైన్స్ డే’ నెల కాబట్టి… నమ్రత గారి దగ్గర్నుండీ కాకుండా.. మీకు ఎవరి దగ్గర్నుండీ ప్రపోజల్స్ వచ్చాయి’ అని విలేకరి అడిగిన ప్రశ్నకు.. మహేష్ సమాధానమిస్తూ…” ఏమ్మాట్లాడుతున్నారండీ… మీరు..! నాకు పెళ్ళై 14 ఏళ్ళు అయ్యింది. ప్రపోజల్ వస్తే నమ్రత దగ్గర్నుండే వస్తుంది. ఇంకెవరి దగ్గర్నుండీ రాదు. నాకు నమ్రత మాత్రమే గర్ల్ ఫ్రెండ్. ఏదేమైనా ‘ఫిబ్రవరి 14’ నాకు చాలా స్పెషల్.. ఎందుకంటే ఫిబ్రవరి 10 నా పెళ్ళి రోజు… ఇక నమ్రత నాకిచ్చిన గిఫ్ట్ గౌతమ్, సితార ” అంటూ సెటైర్లు వేస్తూనే.. ఫన్నీ ఆన్సర్స్ ఇచ్చాడు మహేష్. ఇక తన ‘మహర్షి’ చిత్రం ఏప్రిల్ లో విడుదలవుతుందని… దానికి సంబంధించి మరో ప్రెస్ మీట్ పెట్టి అన్ని విషయాలు తెలియజేస్తానని చెప్పుకొచ్చాడు.
