మహేష్ బాబు కాలుకి గాయం అయ్యిందా.. సర్జరీ చేయించుకోబోతున్నారా? అవుననే అంటున్నాయి ఫిలింనగర్ వర్గాలు. మొన్నటి వరకూ ‘సరిలేరు నీకెవ్వరు’ సినిమా ప్రమోషన్స్ లో బిజీగా గడిపిన మహేష్ బాబు ఇటీవల ఫ్యామిలీతో అమెరికా వెళ్ళారు. అక్కడ ఆయన కాలుకి సర్జరీ చేయించుకోబోతున్నారని తాజా సమాచారం. శ్రీనువైట్ల డైరెక్ట్ చేసిన ‘ఆగడు’ సినిమా షూటింగ్ టైములో మహేష్ బాబు కాలుకి గాయం అయ్యిందట. అంటే 2014 లో గాయం అయ్యింది. కానీ మహేష్ అప్పుడు పట్టించుకోలేదట. తరువాత 2017 లో ‘స్పైడర్’ సినిమా టైములో సర్జరీ చేయించుకున్నారట. ఆ టైములో వైద్యులు 5 లేదా 6 నెలలు వరకూ రెస్ట్ తీసుకోవాలని సూచించారట. కానీ మహేష్ వారి మాటలను లైట్ తీసుకున్నట్టు తెలుస్తుంది.
ఇక ‘సరిలేరు నీకెవ్వరు’ షూటింగ్ టైములో నొప్పి మళ్ళీ మొదలవ్వడంతో… ఇప్పుడు అమెరికా వెళ్ళినట్టు తెలుస్తుంది. అక్కడి వైద్యులు మళ్ళీ సర్జరీ అవసరమని చెప్పారట. అంతేకాదు మరో 5, 6 నెలల వరకూ రెస్ట్ అవసరమని కూడా గట్టిగా చెప్పారట. దీంతో మే లేదా జూన్ నెలవరకూ మహేష్ తిరిగి హైదరాబాద్ వచ్చే అవకాశం లేదని తెలుస్తుంది. ఇక మహేష్ బాబు తన తరువాతి చిత్రాన్ని వంశీ పైడిపల్లి డైరెక్షన్లో చేయడానికి రెడీ అవుతున్న సంగతి తెలిసిందే. ఈ చిత్రాన్ని దిల్ రాజు నిర్మించబోతున్నట్టు తెలుస్తుంది.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
Home