సూపర్ స్టార్ మహేష్ బాబు ఇది వరకు కనిపించని లుక్ తో వెండితెరపై మెరవనున్నారు. హీరోగా 16 ఏళ్ల కెరీర్లో 22 సినిమాల్లో ప్రిన్స్ నటించగా.. . టక్కరిదొంగలో మినహా గడ్డంతో ఏ సినిమాలో కనిపించలేదు. తమిళ డైరక్టర్ మురుగదాస్ దర్శకత్వంలో తెరకెక్కనున్న సినిమాలో మహేష్ ఫ్రెంచ్ స్టైల్ బియర్డ్ తో కనిపించనున్నట్లు సమాచారం. రీసెంట్ గా మురుగదాస్ ముంబై లో చిత్ర యూనిట్ తో సమావేశం ఏర్పాటు చేసి సినిమా విశేషాలతో పాటు మహేష్ లుక్ పై కూడా చర్చించినట్లు తెలిసింది.
మహేష్ బాబు నటించిన బ్రహ్మోత్సవం ఆశించినంతగా ఆకట్టుకోలేక పోయినా తర్వాతి చిత్రం పై ఆ ప్రభావం పడలేదు. వచ్చే నెల సెట్స్ మీదకు పోనున్న ఈ సినిమాకు మహేష్ రూ.28 కోట్లు తీసుకోనున్నారు. ఇంత మొత్తంలో టాలీవుడ్ లో ఏ హీరో అందుకోలేదు. పవన్ కళ్యాణ్ ఎస్.జె.సూర్య తో చేయనున్న మూవీ కి రూ. 25 కోట్లు తీసుకుంటున్నారు. దీంతో రేమ్యూనరేషన్ ప్రకారం టాలీవుడ్ నంబర్ 1 హీరోగా మహేష్ నిలిచారు.
మహేష్ బాబు, మురుగదాస్ కాంబినేషన్లో రానున్న ఈ సినిమాను రూ.90 కోట్ల బడ్జట్ తో తెలుగు, తమిళం భాషల్లో నిర్మించనున్నారు. ఈ సినిమాలో హీరోయిన్ గా బాలీవుడ్ నటి పరిణీతి చోప్రా నటిస్తోంది. జాతీయ అవార్డ్ అందుకున్న సినిమాటోగ్రాఫర్ సంతోష్ శివన్ ఈ చిత్రంతో టాలీవుడ్ కి పరిచయం కానున్నారు.
