ఒక హీరో చేసిన సినిమా మరో హీరో చేస్తే ఎలా ఉంటుంది? ఇలాంటి ప్రశ్న చాలాసార్లు మీరు వినుంటారు. అంతెందుకు మీకు మీరు వేసుకునుంటారు కూడా. ఎందుకంటే ఆ సీన్‌లో మా హీరో అయితే అదరగొట్టేవాడు, ఈ సీన్‌లో దుమ్మురేపేవాడు అని లెక్కలేసుకోని అభిమాని ఉండడు. అలా కమల్‌ హాసన్‌ ‘విక్రమ్‌’ సినిమా చూసి మా హీరో మహేష్‌బాబుకు ఈ సినిమా పడి ఉంటే బాగుండు అని అనుకున్నారా? అయితే ఈ వీడియో మీ కోసమే.
ఒకవేళ మీకు హృతిక్‌ రోషన్‌, టామ్‌ క్రూజ్‌ అభిమానులు అయితే మీ కోసం కూడా ఈ వీడియో. ఎందుకంటే ‘విక్రమ్‌’ సినిమాలో మహేష్‌ బాబు, హృతిక్‌ రోషన్‌, టామ్‌ క్రూజ్‌ నటిస్తే ఎలా ఉంటుంది అని ఓ నెటిజన్‌ వీడియో రూపొందించాడు. ‘విక్రమ్‌’ తెలుగు ట్రైలర్‌లో మహేష్‌, హృతిక్‌, టామ్‌ క్రూజ్‌ను యాడ్‌ చేసి సోషల్‌ మీడియాలో పోస్ట్ చేశాడు. దీంతో ఈ వీడియో ఇప్పుడు సోషల్‌ మీడియాలో వైరల్‌గా మారిపోయింది.
ఈ ఫ్యాన్‌ ఎడిట్‌ వీడియలో కమల్‌హాసన్‌ రోల్‌లో మహేశ్‌బాబు కనిపిస్తాడు. ఇక ఫహాద్‌ ఫాజిల్‌గా టామ్‌ క్రూజ్‌ ఉంటాడు. అలాగే విజయ్‌ సేతుపతిగా హృతిక్‌ రోషన్‌ కనిపిస్తాడు. సీన్స్‌కి పర్‌ఫెక్ట్‌గా సింక్‌ అయ్యేలా వేరే సినిమాల నుండి ఫుటేజ్‌ తీసుకొని ఈ వీడియోను రూపొందించారు. దీంతో ఈ వీడియోకు లైక్‌లు, రీట్వీట్లు మోగుతున్నాయి. ఇక ‘విక్రమ్‌’ సినిమా విషయానికొస్తే కమల్‌ హాసన్‌, ఫహాద్‌ ఫాజిల్‌, విజయ్‌ సేతుపతి ప్రధాన పాత్రల్లో నటించారు.
మాదక ద్రవ్యాల నిషేధం నేపథ్యంలో లోకేశ్‌ కనగరాజ్‌ ఈ సినిమాను తెరకెక్కించారు. ఈ సినిమా విడుదలై ఐదు నెలలు అయినప్పటికీ ప్రేక్షకుల్లో ఈ సినిమాపై ఉన్న ఆసక్తి ఏ మాత్రం తగ్గలేదు అంటే ఎలాంటి ప్రభావం చూపించిందో అర్థం చేసుకోవచ్చు. గతంలోనూ కొన్ని ఫ్యాన్‌ మేడ్‌ వీడియోలు వచ్చాయి. వాటిని కూడా ఫ్యాన్స్ ఇలానే ఎంజాయ్‌ చేశారు. ఇప్పుడు మీరు కూడా ఈ వీడియో చూసి ఎంజాయ్‌ చేయండి.
Vikram trailer ft. Mahesh Babu , Hrithik Roshan and Tom Cruise . pic.twitter.com/RzyzMmk9DL
— Aryan (@aryanvarma_) October 4, 2022
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
