మలయాళంలో నిర్మితమైన ‘ఒరు ఆదార్ లవ్’ చిత్రాన్ని’లవర్స్ డే’ పేరుతో , తెలుగులో కూడా విడుదల చేసిన సంగతి తెలిసిందే. ఇక ఈ చిత్రానికి మొదటి రోజే ప్లాప్ టాక్ వచ్చింది. ప్రియా ప్రకాష్ కన్ను కొట్టిన ఓ వీడియోతో ఈ చిత్రం పై ఆసక్తి నెలకొంది. అయితే సినిమాలో మాత్రం ప్రియా ప్రకాష్ పాత్ర పెద్దగా బాలేదని.. అందులోనూ క్లైమాక్స్ చాలా ఘోరంగా ఉందని కామెంట్స్ వచ్చాయి. అయితే ఈ చిత్ర క్లైమాక్స్ ను మళ్ళీ రీషూట్ చేసి.. జతచేసారు. అయినప్పటికీ పెద్దగా లాభం లేకపోయినా… చిత్ర యూనిట్ మాత్రం హైదరాబాద్ లో సక్సెస్ మీట్ నిర్వహించింది. ఒక ప్లాప్ సినిమాకి ఈ సక్సెస్ మీట్లు ఏంటా అని కొందరు ప్రేక్షకులు కామెంట్లు పెడుతున్నారు.
ఈ విషయాన్ని పక్కన పెడితే… ఈ సక్సెస్ మీట్లో భాగంగా ఈ చిత్ర హీరోయిన్లలో ఒకరైన నూరిన్ షరీఫ్ మాట్లాడుతూ .. “ఈ సినిమాకి ఈ స్థాయి రెస్పాన్స్ వస్తుందని… నేను ఎంతమాత్రం ఊహించలేదు. నా పాత్రకి అందుతున్న ప్రేక్షకాదరణ చూస్తుంటే నాకెంతో సంతోషంగా ఉంది. ‘లవర్స్ డే’ చిత్ర ఆడియో వేడుకకి అల్లు అర్జున్ గారు ముఖ్య అతిధిగా రావడం నాకెంతో ఆనందాన్ని కలిగించింది. మలయాళంలో విడుదలైన అల్లు అర్జున్ సినిమాలను నేను మిస్ కాకుండా చూస్తుంటాను. ఎప్పటినుండో ఆయనకి నేను పెద్ద అభిమానిని. ఆయనను పెళ్ళి చేసుకోవాలని చాలా కలలు కనేదాన్ని. ఇక నా సినిమా ఆడియో రిలీజ్ వేడుకలో అల్లు అర్జున్ తో మాట్లాడటం .. ఆయనతో కలిసి ఫొటో దిగడం… నా అదృష్టంగా భావిస్తున్నాను. నేను ఆ రోజుని ఎప్పటికీ మరిచిపోలేను” అంటూ ఆశ్చర్యకరమైన కామెంట్లు చేసింది.
