చిన్నప్పటి సంఘటన గురించి చెప్పడానికి నిరాకరించిన మంచు మనోజ్

మంచు ఫ్యామిలీ, నందమూరి ఫ్యామిలీ మధ్య మంచి అనుబంధం ఉంది. మంచు మనోజ్,, ఎన్టీఆర్ చిన్నప్పటి నుంచి కలిసి పెరిగారు. అప్పటి నుంచే ఇద్దరూ మంచి మిత్రులు. రీసెంట్ గా హరికృష్ణ చనిపోతే.. అతని అంత్యక్రియలప్పుడు ఎన్టీఆర్, కళ్యాణ్ రామ్ లకు ఒక బౌన్సర్ లా మంచు మనోజ్ పనిచేశారు. అభిమానుల నుంచి ఒత్తిడిని ఎదుర్కోకుండా కాపాడారు. అప్పుడే వారి మధ్య స్నేహం ఎక్కువమందికి తెలిసింది. వరుస అపజయాలతో తెలుగు ప్రజలు మరిచిపోతున్న సమయంలో ఈ సంఘటనతో మంచు మనోజ్ ఎక్కువ అభిమానులను సొంతం చేసుకున్నారు. అప్పటి నుంచి సోషల్ మీడియాలో మరింత చురుకుగా ఉన్నారు.

ప్రతి ఒక్కరి ప్రశ్నకు సమాధానం ఇస్తున్నారు. రీసెంట్ గా మంచు మనోజ్ గురించి తెలిసిన ఓ నెటిజన్ ఓ సంఘటన గురించి అడిగారు. “యంగ్‌టైగర్‌ని చిన్నప్పుడు ఎవరో కొడితే… మీరు వెళ్లి వాడి చెయ్యి విరగ్గొట్టారంట కదా.. ఆ స్టోరీ ఏంటో చెప్పండి” అని అడిగారు. దీనికి మనోజ్ నవ్వి.. “తారక్‌నే అడుగు. నాకంటే తనే బాగా చెప్తాడు ఈ విషయం గురించి” అని సమాధానం ఇచ్చారు. దీంతో ఈ విషయం గురించి చెప్పాలంటూ అభిమానులంతా ట్విటర్ ద్వారా మంచు మనోజ్ ని రిక్వెస్ట్ చేస్తున్నారు. అయినా చెప్పడం లేదు. ఇక ఎన్టీఆర్ మాత్రమే ఆ గొడవ గురించి చెప్పాల్సి ఉంటుంది.