మంచు విష్ణు, పాయల్ రాజ్ పుత్, సన్నీ లియోన్ హీరో హీరోయిన్లుగా అవా ఎంటర్‌టైన్‌మెంట్‌, 24 ఫ్రేమ్స్ ఫ్యాక్టరీ పై ఈషాన్ సూర్య దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం జిన్నా. ఈ సినిమా అక్టోబర్ 21వ తేదీ దీపావళి పండుగను పురస్కరించుకొని తెలుగు తమిళ మలయాళ భాషలలో ఎంతో ఘనంగా విడుదల కానుంది. ఇక ఈ సినిమా విడుదల తేదీ దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఈ సినిమా ప్రమోషన్ కార్యక్రమాలలో భాగంగా హైదరాబాద్లో చిత్ర బృందం ఘనంగా ప్రీ రిలీజ్ వేడుకను కూడా జరుపుకున్నారు. ఈ కార్యక్రమంలో భాగంగా మంచు విష్ణు ఆసక్తికరమైన వ్యాఖ్యలు చేశారు. ఈ సందర్భంగా మంచు విష్ణు మాట్లాడుతూ ముందుగా చోటా కె నాయుడు, కోన వెంకట్ గారికి కృతజ్ఞతలు తెలపాలి. వారే కనుక లేకపోతే జిన్నా సినిమా ప్రేక్షకుల ముందుకు వచ్చేది కాదని తెలిపారు. ఇకపోతే ఈ సినిమా ద్వారా తన కూతుర్లు అరియాన వివియానా ఇండస్ట్రీకి పరిచయం కాబోతున్నారని తెలియజేశారు.
ఈ సినిమాలో వారికి అద్భుతమైన పాట పాడే అవకాశం కల్పించిన సంగీత దర్శకుడు అనూప్ కు మంచు విష్ణు కృతజ్ఞతలు తెలియజేశారు.ఇక ఈ సినిమా కోసం కృషి చేసిన ప్రతి ఒక్కరికి పేరుపేరునా ఈ సందర్భంగా మంచు విష్ణు కృతజ్ఞతలు తెలిపారు.ఇక సినిమా గురించి మాట్లాడుతూ సినిమా ఎంతో అద్భుతంగా వచ్చిందని నా మనసుకు నచ్చిన సినిమాలలో ఈ సినిమా ఒకటి అంటూ ఈయన జిన్నా సినిమా గురించి తెలిపారు.
ఇక ఈ కార్యక్రమంలో మోహన్ బాబు కూడా ముఖ్యఅతిథిగా పాల్గొన్న విషయం మనకు తెలిసిందే. ఈ కార్యక్రమంలో భాగంగా మోహన్ బాబు చేసినటువంటి కామెంట్స్ సోషల్ మీడియాలో వైరల్ అయ్యాయి. అయితే ఈ వేదికపై తన కుమారుడు తనని తక్కువగా మాట్లాడమని చెప్పారంటూ మోహన్ బాబు కామెంట్స్ చేశారు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
