ఖైదీ తరువాత బిగ్గెస్ట్ డిజాస్టర్ అదే: చిరంజీవి

December 28, 2020 / 11:10 AM IST

మెగాస్టార్ చిరంజీవి ఇటీవల కాలంలో సినిమాలతోనే కాకుండా రియాలిటీ షోల ద్వారా జనాలను ఎక్కువగా ఎట్రాక్ట్ చేస్తున్నారు. వెండితెరకు ఆయనకు గ్యాప్ చాలానే వచ్చినా కూడా నిత్యం ఎదో ఒక విధంగా మీడియా ద్వారా జనాలను ఆకట్టుకుంటూనే ఉన్నారు. ఇక ఇటీవల ఆహా యాప్ సామ్ జామ్ షోలో మెగాస్టార్ తన సినీ జీవితాన్ని గుర్తుచేసుకున్నారు. సమంత హోస్ట్ గా ఉన్న సామ్ జామ్ షోలో ఇటీవల పాల్గొన మెగాస్టార్ తన సినీ జీగితంలోని మధురమైన జ్ఞాపకాలతో పాటు కొన్ని చేదు అనుభవాలను కూడా గుర్తు చేసుకున్నారు.

ముఖ్యంగా ఖైదీ అనంతరం ఒక సినిమా వల్ల చాలా బాధపడ్డట్లు చెప్పారు. చిరంజీవి మాట్లాడుతూ.. నా జీవితంలో నేను సినిమా చూసి ఏడ్చింది మాత్రం మొదట శంకరాభరణం చూసే. ఆ తరువాత వేట అనే సినిమా వల్ల ఏడ్చాను. వేట సినిమా తప్పకుండా హిట్ అవుతుందని అనుకున్నాను. ఎందుకంటే ఖైదీ డైరెక్టర్, నిర్మాత, నేను.. మళ్ళీ అదే కాంబినేషన్ లో వెంటనే చేశాం కాబట్టి సినిమా ఆడుతుందని అనుకున్నాము.

కానీ ఆ సినిమా డిజాస్టర్ గా నిలిచింది. అలా అవుతుందని అనుకోలేదు. ఆ సినిమా థియేటర్స్ లో చూసి వచ్చిన తరువాత ప్లాప్ టాక్ రాగానే ఇంటికి వచ్చి వెక్కి వెక్కి ఏడ్చాను.. అంటూ మెగాస్టార్ వివరణ ఇచ్చారు.