బిల్లా, కంత్రి సినిమాలతో దర్శకునిగా గుర్తింపు తెచ్చుకున్న మెహర్ రమేష్ సినీ కెరీర్ లో హిట్టైన సినిమాల కంటే ఫ్లాపైన సినిమాలే ఎక్కువగా ఉన్నాయి. కథ అద్భుతంగా చెప్పే టాలెంట్ ఉన్న మెహర్ రమేష్ తెలుగులో దర్శకునిగా భారీ బ్లాక్ బస్టర్ హిట్ ను సొంతం చేసుకోలేకపోయారు. కన్నడలో మెహర్ రమేష్ డైరెక్షన్ లో వచ్చిన సినిమాలు హిట్టైనా తెలుగులో మాత్రం మెహర్ రమేష్ దర్శకత్వం వహించిన శక్తి, షాడో సినిమాలు డిజాస్టర్ రిజల్ట్ ను అందుకున్నాయి.
షాడో తర్వాత కొంతకాలం బ్రేక్ తీసుకున్న మెహర్ రమేష్ చిరంజీవి హీరోగా వేదాళం రీమేక్ ను తెరకెక్కించనుండగా త్వరలో ఈ సినిమా షూటింగ్ ప్రారంభం కానుంది. పూరీ జగన్నాథ్ శిష్యుడైన మెహర్ రమేష్ మహేష్ ఫ్యామిలీతో సన్నిహితంగా ఉండటంతో పాటు మహేష్ బాబుతో యాడ్స్ కూడా తెరకెక్కిస్తున్నారు. తాజాగా మెహర్ రమేష్ మహేష్ తో ఉన్న అనుబంధం గురించి మాట్లాడుతూ ఆసక్తికర వ్యాఖ్యలు చేశారు. మహేష్ బాబుకు తాను ఏ కథ చెప్పినా ఆయన ఛీ కొడతారని మహేష్ కు తనకు ఉన్న అనుబంధం ఇదేనని మెహర్ రమేష్ అన్నారు.
తాను కథ చెప్పడం మహేష్ ఛీ కొట్టడం చాలాసార్లు జరిగిందని మెహర్ రమేష్ పేర్కొన్నారు. అయితే మహేష్ ఫ్యాన్స్ మాత్రం ఉన్నది ఉన్నట్టు చెప్పడంలో మెహర్ రమేష్ గ్రేట్ అంటూ కామెంట్లు చేస్తున్నారు. భవిష్యత్తులో మహేష్ మెహర్ రమేష్ కాంబినేషన్ లో సినిమా వస్తుందేమో చూడాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home