గతేడాది ‘సైరా నరసింహారెడ్డి’ చిత్రంతో ప్రేక్షకులను అలరించిన మెగాస్టార్ చిరంజీవి.. ఈ ఏడాది కొరటాల శివ డైరెక్షన్లో తన 152వ చిత్రం చేయడానికి రెడీ అవుతున్నారు. ‘మ్యాట్నీ ఎంటర్టైన్మెంట్స్’ మరియు ‘కొణిదెల ప్రొడక్షన్ కంపెనీ’ బ్యానర్ల పై నిరంజన్ రెడ్డి, రాంచరణ్ లు కలిసి ఈ చిత్రాన్ని నిర్మిస్తున్నారు. ఈ చిత్రం కోసం గతంలో వేసిన ‘రంగస్థలం’ చిత్రం సెట్లలో కొన్ని యాక్షన్ సన్నివేశాల్ని చిత్రీకరిస్తున్నట్టు సమాచారం. ఈ చిత్రంలో త్రిష హీరోయిన్ గా నటిస్తుండగా.. రాంచరణ్ ఓ కీలక పాత్ర పోషిస్తున్నట్టు ప్రచారం జరుగుతున్న సంగతి తెలిసిందే. ఇప్పుడు విలన్ విషయంలో కూడా ఓ వార్త హల్ చల్ చేస్తుంది.
అసలు మ్యాటర్ ఏంటంటే… ఈ చిత్రంలో మెయిన్ విలన్ గా కలెక్షన్ కింగ్ మోహన్ బాబు నటించబోతున్నట్టు టాక్ నడుస్తుంది. ఈ వార్త ఇలా బయటకి రాగానే మెగా అభిమానుల్లో క్యూరియాసిటీ పెరిగిందనే చెప్పాలి. గతంలో కూడా చిరంజీవి హీరోగా నటించిన ‘ఖైదీ నెంబర్ 786’ ‘కొదమ సింహం’ ‘మంచి దొంగ’ వంటి చిత్రాల్లో విలన్ గా నటించారు మోహన్ బాబు. ఇక హీరోగా కూడా ‘పట్నం వచ్చిన పతివ్రతలు’ ‘చక్రవర్తి’ ‘బిల్లా రంగా’ వంటి చిత్రాల్లో కూడా చిరంజీవితో కలిసి నటించారు. మొత్తానికి మరోసారి వీరిద్దరూ కలిసి స్క్రీన్ పై సందడి చేయబోతున్నారన్న మాట.
Most Recommended Video
అల్లు అర్జున్ ఆస్తుల వివరాలు
ఎన్టీఆర్ ఆస్తుల వివరాలు
Home