సూపర్ స్టార్ ఫస్ట్ లుక్ పోస్టర్ పై కసరత్తు చేస్తున్న మురుగదాస్
November 21, 2016 / 09:40 AM IST
|Follow Us
సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న సినిమా వేగంగా చిత్రీకరణ జరుపుకుంటోంది. హైదరాబాద్ లోని బిజీ రోడ్లపై మూడో షెడ్యూల్ పూర్తి చేసుకున్న ఈ చిత్రం నాలుగో షెడ్యూల్ కోసం గుజరాత్ కి పయనం కానుంది. ఆ రాష్ట్ర ముఖ్య పట్టణం అహ్మదాబాద్ లో ఈ నెల 24 నుంచి కీలక సన్నివేశాలను షూట్ చేయనున్నారు. 100 కోట్ల బడ్జెట్ తో ఏక కాలంలో తెలుగు, తమిళ భాషల్లో తెరకెక్కుతున్న ఈ మూవీలో సూపర్ స్టార్ ఇన్వెస్ట్ గేషన్ ఆఫీసర్ గా నటిస్తున్నారు.
స్పెషల్ పోలీస్ గా ప్రిన్స్ లుక్ ని చూడాలని అభిమానులు ఎప్పటినుంచో ఎదురుచూస్తున్నారు. వారి కోరిక త్వరలో తీరనుంది. సూపర్ స్టార్ సరసన ఫిట్ బ్యూటీ రకుల్ ప్రీత్ సింగ్ నటిస్తున్న ఈ సినిమా ఫస్ట్ లుక్ ని సంక్రాంతి తర్వాత రిలీజ్ చేయాలనీ మురుగదాస్ బృందం ఫిక్స్ అయింది. తమిళం, తెలుగు రెండు పోస్టర్ లను అప్పుడే విడుదల చేయాలని డైరక్టర్ భావిస్తున్నారు. త్వరలో అధికారిక ప్రకటన చేయనున్నారు. జాతీయ అవార్డు గ్రహీత సినిమాటోగ్రాఫర్ సంతోష్ శివన్ పనిచేస్తున్న ఈ సినిమాకు హరీష్ జయరాజ్ సంగీతమందిస్తున్నారు.
Also, do SUBSCRIBE to our YouTube channel to get latest Tollywood updates.