సినీ పరిశ్రమలో అలోచించి అడుగులేయాలి.. అంతేకానీ ఆలోచించడానికి ఎక్కువ సమయం తీసుకోకూడదు. వేగంగా ఉంటేనే ఎక్కువ సినిమాలు చేసే అవకాశం ఉంటుంది. ముఖ్యంగా తక్కువ కెరీర్ లైఫ్ టైమ్ ఉన్న హీరోయిన్స్ చిన్న ఛాన్స్ దొరికితే చాలు.. దూసుకుని వెళ్ళిపోవాలి. ఈ విషయాన్నీ మేకప్ వేసుకోకముందే మైండ్ లో వేసుకుందేమో నాభా నటేష్.. ఒక్క సినిమా రిలీజ్ రావడంతోనే చకచకా సినిమాలకు సంతకాలు చేస్తోంది. ఈ బ్యూటీ సుధీర్ బాబు సరసన ‘నన్ను దోచుకుందువటే’ సినిమాలో నటించింది. ఆర్.ఎస్.నాయుడు దర్శకత్వంలో తెరకెక్కిన ఈ మూవీ నిన్న రిలీజ్ అయి విశేష స్పందన అందుకుంది.
అన్ని వర్గాల ప్రజల నుంచి అభినందనలు అందుకుంటోంది. ఇంకేముంది కన్నడ భామ నాభా నటేష్ తెలుగు ఎంట్రీ విజయవంతం అయిపోయింది. ఇక వెంటనే టాలీవుడ్ లో జెండా పాతేయడానికి సిద్ధమయిపోయింది. మాస్ మహారాజ్ రవితేజ పక్కన నటించే ఛాన్స్ అందుకుంది. దర్శకుడు విని ఆనంద్ కథ చెప్పగానే ఆలోచించకుండా ఓకే చెప్పేసిందంట. ఈ సినిమా పట్టాలెక్కేలోపున రవిబాబు డైరెక్షన్లో ఈమె చేసిన “అదుగో” చిత్రం థియేట్టర్లోకి రానుంది. ఇది కూడా హిట్ అయితే మాత్రం నాభా నటేష్ జోరుని ఎవరూ ఆపలేరు.
