అక్కినేని నాగచైతన్య తాజాగా నటించిన చిత్రం థాంక్యూ సినిమా గత నెల 22వ తేదీ ప్రేక్షకుల ముందుకు వచ్చినప్పటికీ ఈ సినిమా పెద్దగా ప్రేక్షకులను సందడి చేయలేకపోయింది. ఈ సినిమా భారీ నష్టాలను మిగిల్చిందని చెప్పాలి. ఇక ఈ సినిమా అనంతరం ఈయన మొదటిసారిగా బాలీవుడ్ హీరోతో కలిసి నటించిన లాల్ సింగ్ చద్దా ఈనెల 11వ తేదీ విడుదల కానుంది. ఈ సినిమా విడుదల తేదీ దగ్గర పడటంతో నాగచైతన్య ప్రమోషన్ కార్యక్రమాలలో ఎంతో బిజీగా ఉన్నారు.
ఇలా తెలుగు హిందీ భాషలలో పలు ఇంటర్వ్యూలకు హాజరవుతూ నాగచైతన్య పెద్ద ఎత్తున ఈ సినిమా ప్రమోషన్ కార్యక్రమాలను నిర్వహిస్తున్నారు. ఇకపోతే తాజాగా ఒక ఇంటర్వ్యూలో పాల్గొన్న నాగచైతన్య సమంత గురించి ఆసక్తికరమైన విషయాలు వెల్లడించారు. ఇప్పటికీ ఎప్పటికీ సమంత పై తనకు ఎంతో గౌరవం ఉంటుందని నాగచైతన్య వెల్లడించారు. అయితే తాజాగా ఈయనకు మరోసారి ప్రేమ గురించి ప్రశ్నలు ఎదురయ్యాయి. మళ్లీ ప్రేమలో పడతారా అంటూ ప్రశ్న ఎదురవడంతో నాగచైతన్య ఆసక్తికరమైన సమాధానం చెప్పారు.
ప్రేమ అనేది మనల్ని ముందుకు నడిపిస్తుంది. మనం గాలిని ఎలా పీల్చుకుంటామో.. జీవితంలో ప్రేమ కూడా అంతే ముఖ్యమైనది. మనం ప్రేమించడమే కాకుండా ప్రేమను ఆస్వాదించాలి అంటూ చైతన్య ప్రేమ గురించి ఆసక్తికరమైన వ్యాఖ్యలు చేశారు. ఈ విధంగా నాగచైతన్య ప్రేమ గురించి ఇలాంటి వ్యాఖ్యలు చేయడంతో ఈయన మరోసారి ప్రేమలో పడతారని మరో పెళ్లి కూడా చేసుకోవడానికి సిద్ధంగానే ఉన్నట్లు తెలుస్తోంది.
అయితే గత కొంతకాలం నుంచి నాగచైతన్య నటి శోభితతో డేటింగ్ లో ఉన్నారంటూ పెద్ద ఎత్తున వార్తలు వచ్చాయి. అయితే నాగచైతన్యకు ఈ ప్రశ్న కూడా ఎదురవడంతో ఆయన చిన్న స్మైల్ ద్వారా ఈ ప్రశ్నకు సమాధానం చెప్పారు. ప్రస్తుతం నాగచైతన్య ప్రేమ గురించి చేసిన ఈ కామెంట్స్ వైరల్ అవుతున్నాయి.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home