యువ సామ్రాట్ నాగ చైతన్య సాహసమే శ్వాసగా సాగిపో సినిమా ప్రొమోషన్ లో చురుకుగా ఉంటూనే ప్రేమమ్ మూవీలో పాత్ర కోసం బరువు తగ్గే పనిలో పడ్డారు. మలయాళం హిట్ మూవీ ప్రేమమ్ ని అదే పేరుతో తెలుగులో సూర్యదేవర నాగ వంశీ నిర్మిస్తున్నారు. ఇందులో నాగ చైతన్య, శృతిహాసన్, అనుపమ పరమేశ్వరన్, మడోన్నా సెబాస్టియన్, ప్రత్యేక పాత్రలో వెంకటేష్ నటిస్తున్నారు. చందూ మొండెటి దర్శకత్వం వహిస్తున్నఈ మూవీలో చైతూ కొన్ని సంవత్సరాల గ్యాప్ లో ముగ్గురితో ప్రేమలో పడుతారు.
ఆ మూడు దశల్లో వయసు తేడా కనిపించేందుకు యువ సామ్రాట్ కృషి చేస్తున్నారు. టీనేజ్ లో ప్రేమలో
పడే సన్నివేశాల కోసం నాగ చైతన్య 16 కిలోల బరువు తగ్గాడు. 16 ఏళ్ల కుర్రాడిలా మారిన చైతూని చూసి చిత్ర యూనిట్ సభ్యులు ఆశ్చర్యపోయారు. అతని డెడికేషన్ ను మెచ్చుకున్నారు. ప్రేమమ్ తెలుగులోనూ సూపర్ హిట్ గా నిలవాలని చైతూ కష్ట పడుతున్నాడని చిత్ర బృందం తెలిపింది. సీన్లు అనుకున్న విధంగా రావాలని, ఎక్కడ కాంప్రమైజ్ కాకుండా తీయాలని సినిమా రిలీజ్ డేట్ ను కూడా పోస్ట్ పోన్ చేసినట్లు వెల్లడించింది.
