Naga Chaitanya, Samantha: చైసామ్ డివోర్స్ మేటర్ ను కంపు చేస్తున్న పర్సనల్ టీం!

October 5, 2021 / 02:18 PM IST

ఊళ్ళో పెళ్ళికి కుక్కల హడావుడి అనే సామెత ఎందుకు పుట్టుకొచ్చింది అనేది మొన్నటివరకూ సరిగా అర్ధమయ్యేది కాదు కానీ.. ఇప్పుడు చైసామ్ డివోర్స్ మేటర్ లో జరుగుతున్న రచ్చకి ఆ సామెత కరెక్ట్ అనిపిస్తుంది. ఇద్దరు సెలబ్రిటీలు తమకి ఒకరితో ఒకరికి పొసగదు అని సైలెంట్ గా వేరయ్యారు. ఆ విషయం ప్రపంచానికి తెలియాలి కాబట్టి ఓ ట్వీట్ వేశారు. అంతే అప్పట్నుంచి పలు టీవీ ఛానల్స్ అదే పనిగా ఆ ఇష్యూని రకరకాలుగా కవర్ చేస్తూనే ఉన్నాయి.

అయితే.. అటు సమంత కానీ.. ఇప్పుడు నాగచైతన్య కానీ మీడియాకి దొరక్కపోవడంతో ఎవరి కోట్స్ తీసుకోలేక నానా ఇబ్బందులు పడుతోంది. ఈ తరుణంలో సమంత పర్సనల్ టీం మెంబర్స్ కొందరు పెడుతున్న ఇన్స్టాగ్రామ్ స్టోరీస్ నిప్పుకు ఆద్యం పోస్తున్నట్లుగా తయారయ్యాయి. అసలు వాళ్లెందుకు విడిపోయారో ఇప్పటివరకూ క్లారిటీ లేదు కానీ.. ఈ మేకప్ & స్టైలింగ్ అసిస్టెంట్స్ పుణ్యమా అని వాళ్ళకి ఒక అమ్మాయి విషయంలో గొడవలు జరిగాయని తేటతెల్లమవుతుండగా..

ఆ ఇష్యూని కవర్ చేయడం కోసం అక్కినేని సపోర్టర్స్ బ్యాచ్ రంగంలోకి దిగి రకరకాల ఇన్స్టా స్టోరీస్ పెట్టడం ఎక్కడలేని కన్ఫ్యూజన్ ను క్రియేట్ చేస్తోంది. ఇలా ఎందుకు జరుగుతుంది అనేది తెలియదు కానీ.. ఇద్దరి పర్సనల్ టీమ్స్ & ఫ్రెండ్స్ మాత్రం ఈ ఇష్యూని కంపు కంపు చేస్తున్నారు. ఇకనైనా సదరు టీమ్స్ & ఫ్రెండ్స్ చైసామ్ ల డివోర్స్ మేటర్ గురించి పనికిమాలిన పోస్టులు, స్టోరీలు పెట్టి మాని తమ పని తాము చూసుకుంటే బెటర్.