Naga Chaitanya: ఆ వార్తల వల్ల బాధ పడ్డా.. నాగచైతన్య సంచలన వ్యాఖ్యలు!

May 7, 2023 / 12:40 AM IST

నాగచైతన్య, కృతిశెట్టి ప్రధాన పాత్రల్లో తెరకెక్కిన కస్టడీ మువీ మరికొన్ని రోజుల్లో థియేటర్లలో రిలీజ్ కానుంది. ఈ సినిమా ప్రమోషన్స్ లో భాగంగా నాగచైతన్య మాట్లాడుతూ షాకింగ్ విషయాలను వెల్లడించారు. చైతన్య మాట్లాడుతూ మేము విడిపోయి రెండేళ్లు అవుతుందని చట్టప్రకారం విడాకులు తీసుకుని సంవత్సరం అవుతోందని తెలిపారు. న్యాయస్థానం సైతం మాకు విడాకులు మంజూరు చేసిందని చైతన్య అన్నారు. ప్రస్తుతం మేము మా జీవితాలలో ముందుకు సాగుతున్నామని లైఫ్ లోని ప్రతి దశను గౌరవిస్తున్నానని చైతన్య చెప్పుకొచ్చారు.

సమంత మంచి మనిషి అని ఆమె ఎల్లప్పుడూ సంతోషంగా ఉండాలని చైతన్య కామెంట్లు చేశారు. నెట్టింట వైరల్ అయిన వార్తల వల్ల మా మధ్య ఇబ్బందికర పరిస్థితులు ఎదురయ్యాయని చైతన్య చెప్పుకొచ్చారు. సమంతకు నాకు ఒకరిపై ఒకరికి గౌరవం లేదనే విధంగా వార్తలు ప్రచారంలోకి వచ్చాయని చైతన్య అన్నారు. నా గతంతో ఏ మాత్రం సంబంధం లేని మూడో వ్యక్తిని ఇందులోకి లాగి వార్తలు రాయడం బాధ పెట్టిందని నాగచైతన్య కామెంట్లు చేశారు.

సినిమా ప్రమోషన్స్ లో పాల్గొన్న సమయంలో వ్యక్తిగత జీవితం గురించి ప్రశ్నలు ఎదురవుతూ ఉంటాయని చైతన్య అన్నారు. మొదట్లో ఆ ప్రశ్నలను పట్టించుకోలేదని అలాంటి ప్రశ్నలకు మౌనంగా ఉండేవాడినని నాగచైతన్య కామెంట్లు చేయడం గమనార్హం.అయితే ఇప్పటికీ నా పెళ్లి గురించి ఎందుకు మాట్లాడుతున్నారని నాగచైతన్య అన్నారు. గాసిప్స్ ఎందుకు సృష్టిస్తున్నారో నాకు అర్థం కావడం లేదని ఆయన పేర్కొన్నారు.

మేము ఎప్పుడూ విజయవంతమైన సినిమాలను తీయాలని అనుకుంటున్నామని ఆయన తెలిపారు. కెరీర్ లో ఎత్తు పల్లాలు సహజమని వాటిని దాటుకుంటూ కెరీర్ పరంగా ముందడుగులు వేస్తున్నానని చైతన్య కామెంట్లు చేశారు. (Naga Chaitanya) చైతన్య చెప్పిన విషయాలు సోషల్ మీడియాలో వైరల్ అవుతున్నాయి.