శింబు కెరీర్‌ను ఇటీవల రీస్టార్ట్‌ చేయించిన చిత్రం ‘మానాడు’. తెలుగులో ‘లూప్‌’ పేరుతో తీసుకొద్దాం అనుకున్నారు కానీ చేయలేదు. కారణాలు అప్పుడు చెప్పకపోయినా… రీమేక్‌ ఆలోచనల వల్లే డబ్బింగ్‌ వెర్షన్‌ రాలేదు అని తర్వాత తెలిసింది. మరోవైపు ఓటీటీలో తెలుగు వెర్షన్‌ వచ్చేసింది. అందరూ చూసేశారు. ఈలోపు సురేశ్‌ ప్రొడక్షన్‌ నుండి ఓ ప్రకటన వచ్చేసింది. ఈ సినిమా హక్కులన్నీ మా దగ్గర ఉన్నాయి అనేది ఆ ప్రకటన సారాంశం. ఇప్పుడు ఆ సినిమా గురించి మరో సమాచారం వస్తోంది.
‘మానాడు’ సినిమా సురేశ్‌ ప్రొడక్షన్‌ చేతుల్లో ఉంది అనేది పక్కా. అందులో వెంకటేశ్, రానా నటిస్తారేమో అని అందరూ అనుకున్నారు. కానీ ఇప్పుడు ఆ సినిమాను నాగచైతన్య కోసం తీసుకున్నారు అనేది అంటున్నారు. ఈ సినిమా కథ చైతుకి అయితే బాగుంటుంది అని సురేశ్‌బాబు అనుకుంటున్నట్లు సమాచారం. ఇప్పటికే చైతు ఆ సినిమా చూశాడని అంటున్నారు. మరి సినిమా చేయడానికి ఓకే చెప్పారా? అనేది తెలియాల్సి ఉంది. తమిళంలో ఈ సినిమాను డైరెక్ట్‌ చేసిన వెంకట్‌ ప్రభునే తెలుగు వెర్షన్‌కి కూడా దర్శకత్వం వహిస్తారని అంటున్నారు.
గతంలో ‘మానాడు’ కోసం రవితేజను అడిగితే… నో అన్నారట. తెలుగులో సినిమా ఎవరైనా చేస్తే ఎస్‌.జె. సూర్య పాత్రలో నటించడానికి తాను సిద్ధం అని చెప్పారట. ఈ విషయాలు వెంకట్‌ప్రభునే చెప్పారు. మరిప్పుడు నాగచైతన్య… శింబు పాత్ర కోసం ఓకే చెబితే రవితేజ ఎస్‌.జె.సూర్య పాత్రకు ఓకే చెబుతారా అనేది చూడాలి. ప్రస్తుతం నాగచైతన్య చేతిలో వరుస సినిమాలు ఉన్నాయి. ఆమీర్‌ ఖాన్‌తో ‘లాల్‌ సింగ్‌ చద్దా’లో నటించాడు చైతు.
విక్రమ్‌ కె.కుమార్‌ దర్శకత్వంలో ‘థ్యాంక్‌యూ’ చేస్తున్నాడు. దీంతోపాటు విక్రమ్‌ కె.కుమార్‌ దర్శకత్వంలోనే ఓ వెబ్‌ సిరీస్‌ చేస్తున్నాడని చెబుతున్నారు. అన్నట్లు రాహుల్‌ సాంకృత్యాన్‌ దర్శకత్వంలో మైత్రీ మూవీ మేకర్స్‌ కాంబినేషన్‌లో ఓ టైమ్‌ ట్రావెల్‌ స్టోరీని కూడా ఓకే చేశాడని అంటున్నారు. ఇందులో ఏది ఓకే అవుతుందో చూడాలి.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
