Naga Babu, Sai Dharam Tej: తేజ్ ఆరోగ్యంపై మెగాబ్రదర్ కామెంట్స్!

September 30, 2021 / 01:10 PM IST

సుప్రీం హీరో సాయి ధరమ్ తేజ్ యాక్సిడెంట్ లో గాయపడడంతో హాస్పిటల్ లో జాయిన్ చేసి ట్రీట్మెంట్ అందిస్తున్నారు. ఆయన ఆరోగ్య పరిస్థితి తీవ్రంగానే ఉన్నట్లు కనిపిస్తోంది. ‘రిపబ్లిక్’ సినిమా ఈవెంట్ లో సాయి ధరమ్ తేజ్ ఆరోగ్య పరిస్థితి గురించి పవన్ కళ్యాణ్ సంచలన కామెంట్స్ చేశారు. తేజ్ ఇంకా కోమాలోనే ఉన్నాడంటూ పవన్ కళ్యాణ్ చేసిన వ్యాఖ్యలు మెగాఫ్యాన్స్ ను కన్ఫ్యూజన్ లో పడేశాయి. తాజాగా ‘రిపబ్లిక్’ సినిమా ప్రమోషన్స్ లో దర్శకుడు దేవకట్టా చేసిన కామెంట్స్ అందరినీ ఆశ్చర్యపరుస్తున్నాయి.

సాయి ధరమ్ తేజ్ త్వరగా కోలుకుంతున్నాడని దేవకట్టా అన్నారు. పైగా ‘రిపబ్లిక్’ ఈవెంట్ ను లైవ్ లో చూశాడని కూడా అన్నారు. అయితే బయట పరిస్థితులు బాగాలేనందున ఇంకా రెస్ట్ తీసుకుంటున్నాడని చెప్పుకొచ్చారు. మొన్నటికి మొన్న తేజు కోమాలో ఉన్నాడని పవన్ కళ్యాణ్ చెబితే.. ఇప్పుడు దేవకట్టా తేజు సినిమా ఈవెంట్ లైవ్ లో చూశారని అంటున్నారు. దీంతో ఏది నమ్మాలో ఫ్యాన్స్ కు అర్ధం కాలేదు. తాజాగా ఈ విషయంపై నాగబాబు క్లారిటీ ఇచ్చారు.

ఇటీవల అభిమానులతో చాట్ చేశారు నాగబాబు. ఈ క్రమంలో ఓ నెటిజన్ ‘సాయి ధరమ్ తేజ్ గారు ఎలా ఉన్నారండి’ అని అడిగాడు. దానికి నాగబాబు ‘అతను త్వరగా కోలుకుంటున్నాడు. తొందర్లోనే మన ముందుకు వస్తాడు’ అని క్లారిటీగా చెప్పారు.