మెగా బ్రదర్ నాగబాబు ఈ మధ్య కాలంలో సోషల్ మీడియాలో తెగ యాక్టివ్ గా ఉంటున్న సంగతి తెలిసిందే. నాగబాబు అభిమానులతో నిత్యం టచ్ లో ఉండటంతో పాటు నెటిజన్లు అడుగుతున్న ప్రశ్నలకు తనదైన శైలిలో సమాధానాలు ఇస్తున్నారు. నాగబాబు ఇస్తున్న జవాబులు సోషల్ మీడియాలో తెగ వైరల్ అవుతున్నాయి. తాజాగా నాగబాబు ఆస్క్‌ మి ఏ క్వశ్చన్‌ పేరుతో ఇన్‌స్టాగ్రామ్ లో లైవ్ ఛాట్ నిర్వహించారు. లైవ్ ఛాట్ లో భాగంగా ఒక నెటిజన్ నాగబాబును ఉద్దేశించి “ఎంత ఆస్తి ఉంది నీకు?” అని ప్రశ్నించాడు.
ఆ ప్రశ్నకు నాగబాబు సమాధానం ఇస్తూ “నన్ను నువ్వు అని సంభోధించావ్.. రెస్పెక్ట్ తగ్గింది సో చెప్పను.. మీకు ఎంత ఉంది అని అడిగి ఉంటే నా ఆస్తి ఎంత ఉందో చెప్పడంతో పాటు అందులో సగం నీకు ఇచ్చేవాడిని బ్యాడ్ లక్” అంటూ సమాధానం ఇచ్చి నాగబాబు నెటిజన్ కు ఝలక్ ఇచ్చారు. మరో నెటిజన్ మీరు ఉండే ఇంటి విలువ 50 కోట్లు ఉంటుందా..? అని ప్రశ్నించాడు. ఆ ప్రశ్నకు నాగబాబు ” ముఖేశ్ అంబానీ కన్నా 10 రూపాయలు తక్కువ.. మిగతాదంతా సేమ్ 2 సేమ్” అని సమాధానమిచ్చారు.
నాగబాబు ఇచ్చిన సమాధానంతో అవాక్కవడం నెటిజన్ వంతయింది. నాగబాబు ఇంటి విలువ విషయంలో వ్యంగ్యంగా బదులివ్వగా కొందరు నెటిజన్లు మాత్రం ముకేశ్ అంబానీతో పోల్చాడంటే నాగబాబు ఆస్తి విలువ బాగానే ఉంటుందని కామెంట్లు చేస్తున్నారు. మరోవైపు నాగబాబు ఛత్రపతి రీమేక్ లో కీలక పాత్రలో నటిస్తున్నారని సమాచారం. బుల్లితెర షోలకు నాగబాబు దూరంగా ఉన్నా జీ తెలుగు ఛానెళ్లలో ప్రసారమయ్యే ఈవెంట్లలో కనిపించి సందడి చేస్తున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
