నిన్నమొన్నటివరకూ కేవలం జబర్దస్త్ షో లేదా సినిమాల్లో మాత్రమే యాక్టివ్ గా ఉన్న నాగబాబు ఈమధ్య పోలిటికల్ సెటైర్లు వేస్తూ సోషల్ మీడియాలో కూడా యాక్టివ్ గా ఉండడం మొదలెట్టాడు. తన స్వంతంగా యూట్యూబ్ చానల్ మొదలెట్టి.. ఆ చానల్ లో తనకు నచ్చిన విధమైన వీడియోలు చేస్తూ టైమ్ పాస్ చేస్తున్నాడు. చంద్రబాబునాయుడు, జగన్ మోహన్ రెడ్డి ఇలా ఎవర్నీ వదలకుండా వరుసబెట్టి సెటైర్లు వేస్తున్నాడు నాగబాబు. అయితే.. నిన్నటివరకూ ఆయన వేసిన సెటైర్లను ఎంజాయ్ చేసిన జనాలు తాజాగా ఆయన బాలసుబ్రమణ్యం గారికి ఆయన ఇచ్చిన సెటైరికల్ స్టేట్ మెంట్ మాత్రం ఆయన్ను చిక్కుల్లో పడేసింది.
రీసెంట్ గా ఓ పబ్లిక్ ఫంక్షన్ లో బాలసుబ్రమణ్యం హీరోయిన్స్ వస్త్రధారణ గురించి మాట్లాడుతూ.. “హీరోలను ఇంప్రెస్ చేయడానికి పొట్టి పొట్టి బట్టలు వేసుకొంటున్నారు ఈ హీరోయిన్లు” అని కామెంట్ చేశారు. ఆ విషయమై స్పందించిన నాగబాబు “మీరు హీరోయిన్స్ ను అలా ఎందుకు చూస్తున్నారు?” అని ప్రశ్నించాడు. ఆ విషయం ఇప్పుడు అనవసరమైన చర్చకు దారి తీసింది. సీనియర్ మోస్ట్ సింగర్ అయిన బాలసుబ్రమణ్యంని నాగబాబు అలా కామెంట్ చేయడం అవసరమా అని కొందరు నాగబాబుపై దాడి మొదలెట్టారు. ఇప్పటికే ఈ తరహా ట్రోలింగ్స్ కి బాగా అలవాటుపడిపోయిన నాగబాబు ఈ కామెంట్స్ ను ట్రోలింగ్ ను చాలా లైట్ తీసుకున్నాడు.
