చిన్న చిత్రం గా వచ్చి పెద్ద హిట్ అందుకున్న మూవీ రాజు గారి గది. టీవీ యాంకర్ ఓంకార్ దర్శకత్వంలో తెరకెక్కిన హారర్ థ్రిల్లర్ సినిమాకి ప్రస్తుతం సీక్వెల్ రాబోతోంది. వేగంగా షూటింగ్ జరుపుకుంటున్న ఈ చిత్రంలో కింగ్ అక్కినేని నాగార్జున నటిస్తున్నారు. ఇప్పటి వరకు నాగ్ గెస్ట్ అప్పీర్ పాత్ర అని అందరూ అనుకున్నారు. కానీ తాజా వచ్చిన సమాచారం ప్రకారం నాగార్జున డాక్టర్ రోల్ ల్లో మరోసారి అలరించబోతున్నట్లు తెలిసింది. సోగ్గాడే చిన్నినాయనా లో డాక్టర్ గా నటించి హిట్టు కొట్టిన ఈ సీనియర్ హీరో ఈసారి అదే పాత్రతో రాబోతున్నారు. అయితే ఈ సారి కొంచెం డిఫరెంట్.
మానసిక వ్యాధితో బాధపడే వారికి కౌన్సిలింగ్ ఇచ్చే మానసిక వైద్యుడిగా కనిపించబోతున్నారు. ఇందులో నాగ్ లుక్ చాలా స్టైలిష్ గా ఉంటుందంట. ఆయన కోసం ఖరీదైన బైక్ ని కొనుగోలు చేసినట్లు చిత్ర బృందం తెలిపింది. ఆ బైక్ పై నాగ్ మన్మధుడిలా అదరగొడతారని వెల్లడించింది. సమంత, సీరత్ కపూర్, అశ్విన్ బాబు, షకలక శంకర్ తదితరులు నటిస్తున్న ఈ మూవీకి తమన్ సంగీతాన్ని అందిస్తున్నారు.
Also, do SUBSCRIBE to our YouTube channel to get latest Tollywood updates.
