అక్కినేని నాగేశ్వరరావు సినిమాల్లో ఎన్నో ఆణిముత్యాలు ఉన్నాయి. అయితే ఆయన చేసిన ప్రేమకథలు, ఇంకా చెప్పాలంటే టాలీవుడ్‌ ప్రేమకథల్లో టాప్‌ అంటే ‘ప్రేమనగర్‌’ పేరే చెబుతారు. సగటు సినిమా ప్రేక్షకుడు ఎవరైనా ఇదే మాట చెబతారు. అలాంటి సినిమాను ఆయన మనవడు నాగచైతన్య సినిమాతో పోల్చారు… తనయుడు నాగార్జున. రీసెంట్‌ ఈ పోస్ట్ మీరు నాగార్జున ట్విటర్‌ పేజీలో చూసే ఉంటారు. దాని గురించే కాసేపు మాట్లాడుకుందాం. నాగచైతన్య, సాయిపల్లవి కలసి నటించిన చిత్రం ‘లవ్‌స్టోరీ’.
శేఖర్‌ కమ్ముల దర్శకత్వం వహించారు. ఈ సినిమాకు సంబంధించిన ట్రైలర్‌ ఇటీవల విడుదలైంది. అందులో ఒక ఫ్రేమ్‌ను, అలనాటి ‘ప్రేమనగర్‌’లోని ఓ ఫ్రేమ్‌ను తీసుకొని నాగార్జున ఆ ట్వీట్‌ చేశారు. హీరో కౌగిలిలో హీరోయిన్‌ ఒద్దికగా ఉన్న ఫొటోలు అవి. దీంతో అక్కినేని అభిమానులు ‘తాతకు తగ్గ మనవడు’ అంటూ మురిసిపోతున్నారు. మీకూ అలానే అనిపించి ఉంటుంది. టాలీవుడ్‌ ప్రేమకథల్లో ‘ప్రేమనగర్‌’ ఎప్పటికీ మరచిపోలేని సినిమా. దానికి టచ్‌ చేయాలని ఎవరూ అనుకోరు.
కానీ నాగార్జున ‘లవ్‌స్టోరీ’కి ఆ సినిమాతో లంకె పెట్టారు. చైతన్య కొత్త సినిమాపై ఎంత నమ్మకం లేకపోతే నాగార్జున ఆ పని చేస్తారు చెప్పండి. చూద్దాం. మరో పది రోజుల్లో సినిమా వచ్చేస్తుంది కదా.. తెలిసిపోతుంది.
#LoveStory Looking good ra chay!!
All the best!! https://t.co/a2Ud4a2lQc pic.twitter.com/dBjVZLcdHM— Nagarjuna Akkineni (@iamnagarjuna) September 13, 2021
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home