సినిమాలను చక్కగా తీయడమే కాదు.. దానిని రిలీజ్ అయ్యేవరకు లీక్ కాకుండా కాపాడుకోవడం ప్రస్తుతం దర్శకుల పని అయింది. అన్ని రకాల జాగ్రత్తల మధ్య వీఎఫ్ ఎక్స్ వర్క్ జరుపుకుంటున్న బాహుబలి కంక్లూజన్ మూవీ క్లిప్పింగ్ లు లీక్ కావడంతో ఆ సినిమా వారితో పాటు, చిత్ర పరిశ్రమ ఉలిక్కిపడింది. పోలీసులు చాకచక్యంగా ఒక్కరోజులో నిందితులను పట్టుకోవడంతో ప్రమాదం తప్పింది. అయితే బాహుబలి లీక్ రాయుళ్లను పట్టుకున్న సందర్భంలో మరో సినిమా లీక్ విషయాలు బయట పడ్డాయి.
విజయవాడ విద్యార్థుల సెల్ ఫోన్, ల్యాప్ ట్యాప్ లలో దర్శకేంద్రుడు కె.రాఘవేంద్రరావు రూపొందిస్తున్న ఓం నమో వెంకటేశాయ సినిమాలోని కొన్ని సీన్లు దొరికాయని విజయవాడ ఏసీపీలు సత్యానందం, మురళీధర్ లు వెల్లడించారు. అయితే నిందితులు ఇప్పటివరకు ఆ సన్నివేశాలను ఎవరికీ షేర్ చేయలేదని చెప్పారు. నెట్లో అప్లోడ్ చేయక పోవడంతో ముప్పు తప్పిందని వివరించారు. ఈ సీన్లు దొరికేంత వరకు దొంగిలించారన్న సంగతి ఓం నమో వెంకటేశాయ టీమ్ కి తెలియక పోవడం అందరినీ ఆశ్చర్యానికి గురిచేస్తోంది. ఈ సందర్భం గా ఈ సినిమా నిర్మాత మహేష్ రెడ్డి పోలీసులకు కృతజ్ఞతలు తెలిపారు.
Also, do SUBSCRIBE to our YouTube channel to get latest Tollywood updates.
