నాగార్జున ఆల్ టైమ్ హిట్స్‌లో ‘మజ్ను’ ఒకటి. అప్పట్లో ఈ సినిమా సెన్సేషన్ క్రియేట్ చేసింది. నాగ్ కి లవర్ బాయ్ ఇమేజ్ తెచ్చిపెట్టింది కూడా ఈ సినిమానే. దీంతో ఈ టైటిల్ ని తనయుడు నాగ చైతన్య ‘ప్రేమమ్’ రీమేక్ కు వాడదామని అనుకున్నాడు నాగ్. కానీ ఎందుకో కుదరక ఒరిజినల్ టైటిల్ తోనే సరిపెట్టుకున్నారు.
అయితే ఇప్పుడీ టైటిల్ హీరో నాని కొట్టేశాడని సమాచారం. వరుస హిట్స్ తో జోరు మీదున్న నాని ప్రస్తుతం దర్శకుడు విరించి వర్మ సినిమాలో హీరోగా నటిస్తున్నాడు. రొమాంటిక్ లవ్ స్టోరీగా రూపుదిద్దుకుంటున్న ఈ సినిమాకి ‘మజ్ను’ అనే టైటిల్ బావుంటుందని అనుకుంటున్నారట. దాదాపు ఈ టైటిలే ఫైనల్ అయ్యే ఛాన్స్ ఉందని సమాచారం. మరి ఈ సినిమాతో నానికి కూడా లవర్ బాయ్ ఇమేజ్ వస్తుందేమో చూడాలి..!
