Naresh, Pavitra: పశ్చిమ గోదావరి జిల్లాలో సందడి చేసిన నరేష్- పవిత్ర!

April 3, 2023 / 07:44 PM IST

సీనియర్ నటుడు నరేష్, పవిత్ర ల రిలేషన్ గురించి అందరికీ తెలిసిందే. ఛాన్స్ దొరికిన ప్రతిసారి ఈ జంట ఎక్కడో చోటున హైలెట్ అవుతూనే ఉంటుంది. అది పెళ్ళిలో అయినా.. కృష్ణ, ఇందిరా దేవి గారు చనిపోయినప్పుడు నివాళులు అర్పించడానికి చేసిన వేడుకల్లో అయినా ఎక్కడ చూసినా ఈ జంట హాట్ స్పెషల్ అట్రాక్షన్ గా నిలుస్తూ ఉంటుంది. మీడియా కూడా ఎక్కువగా వీళ్ళ పైనే ఫోకస్ పెడుతూ ఉంటుంది.

ఈ మధ్య కాలంలో వీరిద్దరినీ జంటగా పెట్టి సినిమాలు చేసే వరకు వెళ్ళింది వ్యవహారం. ఆల్రెడీ అలీ ‘అందరూ బాగుండాలి అందులో నేను ఉండాలి’ అనే సినిమాలో ఈ జంటను హైలెట్ చేస్తూ కొన్ని ట్రాక్ లు రాయించాడు. అలాగే నిర్మాత యం.యస్.రాజు ఈ జంటని హైలెట్ చేస్తూ ‘మళ్ళీ పెళ్ళి’ అనే సినిమా కూడా తీసేస్తున్నాడు. ఈ సినిమాని తమ పర్సనల్ లైఫ్ కు ముడిపెడుతూ ప్రమోషన్ చేసుకుంది ఈ జంట.

ఇదిలా ఉండగా.. ఇటీవల నరేష్ (Naresh) – పవిత్ర లు పశ్చిమగోదావరి జిల్లాలోని ఏలూరుపాడులో సందడి చేశారు. ఆదివారం నాడు ఆ గ్రామంలో జరిగిన ఓ ప్రైవేట్ వేడుకకు ఈ జంట హాజరైనట్టు తెలుస్తుంది. ఈ క్రమంలో అల్లూరి సీతారామరాజు, అంబేద్కర్ విగ్రహాలకు పూలమాలలు వేసి నివాళులు అర్పించడం జరిగింది. అటు తర్వాత అమ్మవారి ఆలయంలో ప్రత్యేక పూజలు కూడా నిర్వహించారు నరేష్ – పవిత్ర. పెళ్ళైతే చేసుకోలేదు కానీ ఈ జంట సహజీవనం కొనసాగిస్తూనే ఉంది.