“అందాల రాక్షసి” సినిమాతో హీరోగా పరిచయమైనా హీరోగా సరైన హిట్ పడక క్యారెక్టర్ రోల్స్ చేసుకుంటూ వచ్చాడు. అయితే.. “అరవింద సమేత”లో పోషించిన బాల్ రెడ్డి పాత్ర నవీన్ చంద్రకి ఎనలేని పేరు తెచ్చిపెట్టడమే కాక.. మంచి స్టార్ డమ్ కూడా తీసుకొచ్చింది. కానీ.. ఎందుకో కెరీర్ పరంగా ఆ పేరు ఉపయోగపడలేదు. అయితే.. హీరోగా ఎలాగూ అచ్చిరావడం లేదని విలన్ గానే కంటిన్యూ అయిపోవాలనుకుంటున్నట్లున్నాడు నవీన్ చంద్ర. తాజాగా తమిళ స్టార్ హీరో ధనుష్ సినిమాలో విలన్ గా నటించేందుకు సమ్మతించి సైన్ చేశాడట. త్వరలోనే రెగ్యులర్ షూటింగ్ మొదలవ్వనున్న ఈ చిత్రంలో నవీన్ చంద్ర స్టైలిష్ విలన్ గా కనిపించనున్నాడు.
మరోపక్క నవీన్ చంద్ర నటించిన “హీరో హీరోయిన్” విడుదల విషయంలో క్లారిటీ లోపించింది. తెలుగులో కూడా ప్రస్తుతానికి మనోడికి చెప్పుకోదగ్గ సినిమా ఒక్కటి కూడా లేదు. దాంతో నవీన్ చంద్ర ఇలా తమిళ సినిమాపై కన్నేసి ఉండొచ్చు. మరి అక్కడైనా విలన్ గా బిజీ అవుతాడో లేదో చూడాలి. కానీ.. నటుడిగా మాత్రం తనకు ఇచ్చిన పాత్రకు పూర్తిస్థాయిలో న్యాయం చేయడంలో నవీన్ చంద్ర ఎప్పుడూ ఫెయిల్ అవ్వడు.
