స్టార్ హీరోయిన్ నయనతార పెళ్లికి సంబంధించి గతంలో ఎన్నో వార్తలు వైరల్ అయిన సంగతి తెలిసిందే. గత కొన్నేళ్లుగా నయనతార, విఘ్నేష్ శివన్ ప్రేమలో ఉన్నారు. త్వరలో నయనతార, విఘ్నేష్ శివన్ పెళ్లి బంధంలోకి అడుగుపెడుతున్నారని సమాచారం అందుతోంది. ఇప్పటికే పెళ్లి వేదిక, పెళ్లి డేట్ కూడా ఫిక్స్ అయ్యాయని తెలుస్తోంది. జూన్ నెల 9వ తేదీన నయనతార విఘ్నేష్ శివన్ ల వివాహం జరగనుందని సమాచారం.
శనివారం రోజున నయనతార, విఘ్నేష్ శివన్ తిరుమలకు రాగా పెళ్లి వేదిక కోసమే వచ్చారని తెలుస్తోంది. తిరుమలలోనే నయన్ విఘ్నేష్ ల వివాహం జరగనుండగా ఇందుకు సంబంధించి అధికారిక ప్రకటన రావాల్సి ఉంది. గత కొన్నేళ్లుగా ప్రేమలో ఉన్న నయన్ విఘ్నేష్ తమ ప్రేమ బంధాన్ని పెళ్లి బంధంగా మార్చుకోవాలని భావిస్తున్నారని సమాచారం అందుతోంది. నయనతార లేదా విఘ్నేష్ శివన్ స్పందిస్తే మాత్రమే ఈ వార్తల్లో నిజానిజాలు తెలిసే ఛాన్స్ ఉంది.
విఘ్నేష్ శివన్ డైరెక్షన్ లో నయనతార, సమంత, విజయ్ సేతుపతి ప్రధాన పాత్రల్లో తెరకెక్కిన కాతు వాకుల రెండు కాదల్‌ సినిమా గత నెల 28వ తేదీన థియేటర్లలో విడుదలైంది. తెలుగులో ఈ సినిమా ఫ్లాపైనా తమిళంలో మాత్రం హిట్ రిజల్ట్ ను సొంతం చేసుకోవడం గమనార్హం. నేను రౌడీనే అనే మూవీ షూటింగ్ సమయంలో నయన్ విఘ్నేష్ లకు పరిచయం ఏర్పడింది. ఆ పరిచయం ప్రేమగా మారింది.
నయనతార విఘ్నేష్ శివన్ ల పెళ్లికి ఇరు కుటుంబాలు ఆమోదం తెలిపాయి. ఆర్థికంగా స్థిరపడ్డ తర్వాతే వివాహం చేసుకోవాలని నయనతార, విఘ్నేష్ శివన్ భావించడంతో వివాహం ఆలస్యమైంది. పెళ్లి తర్వాత నయనతార సినిమాలలో కొనసాగుతారో లేదో చూడాల్సి ఉంది. ప్రస్తుతం నయనతార ఒక్కో సినిమాకు 4.5 కోట్ల రూపాయల రెమ్యునరేషన్ తీసుకుంటున్నారు. క్రేజ్ ఉండటం వల్లే నయనతారకు ఈ స్థాయిలో పారితోషికం దక్కుతోంది.
