Nayanthara: తెలుగు సినీ ప్రముఖులు నయన్ కు అవసరం లేదా?

June 8, 2022 / 10:04 PM IST

నయనతార ఇక పెళ్లి చేసుకోదేమో అని అంతా అనుకుంటున్న టైములో పెళ్ళికి రెడీ అయిపోయింది. తమిళ దర్శకుడు, తన లాంగ్ టర్మ్ ప్రేమికుడు అయిన విఘ్నేష్ శివన్ ను పెళ్లి చేసుకోబోతుంది నయన్. మొదట తిరుపతిలో వీరి పెళ్లి జరుగుతుంది అని అంతా అనుకున్నారు.. కానీ మహాబలిపురానికి పెళ్లి వేదిక మారింది. కుటుంబ సభ్యులు, స్నేహితులు, సన్నిహితుల సమక్షంలో వీరి పెళ్లి జరగనుంది. విగ్నేష్, నయన్ లు తమ పెళ్లికి తమిళనాడు ముఖ్యమంత్రి ఎం.కె. స్టాలిన్‌ను స్వయంగా కలిసి ఆహ్వానించారు.

అలాగే తమిళ సినీ ప్రముఖులను కూడా తమ పెళ్లి కి ఆహ్వానించారు. శుభలేఖలు కూడా వారికే వెళ్లాయి.కానీ తెలుగు సినిమా ప్రముఖులకు మాత్రం నయన్- విగ్నేష్ లు ఇన్విటేషన్ లు అందజేయలేదు. రజనీకాంత్, కమల్ హాసన్, సూర్య, అజిత్, కార్తీ, విజయ్ సేతుపతి వంటి తమిళ స్టార్లకి మాత్రమే నయనతార పెళ్లి లేదా రిసెప్షన్‌లకు ఇన్విటేషన్లు వెళ్లాయి. టాలీవుడ్ నుంచి చిరంజీవికి మాత్రమే ఇన్విటేషన్ వెళ్ళింది. అది కూడా డిజిటల్ ఇన్విటేషన్ పంపించి…

ఆ తర్వాత ఫోన్ చేసి రమ్మని కోరారు. దీంతో ‘టాలీవుడ్ ను నయన్ పక్కన పెట్టిందా?’ అనే అనుమానాలు వ్యక్తమవుతున్నాయి.కెరీర్ ప్రారంభంలో వెంకటేష్, నాగార్జున, బాలకృష్ణ వంటి స్టార్ హీరోల సరసన రెండేసి సినిమాల్లో నటించింది నయన్. బాలకృష్ణ ‘శ్రీరామరాజ్యం’ చిత్రంలో సీత పాత్ర చేసినందుకు గాను ఈమె దేశం మొత్తం పాపులర్ అయ్యింది.అప్పటి నుండే ఈమెకు కథా ప్రాధాన్యత కలిగిన సినిమాల్లో అవకాశాలు వస్తున్నాయి.

ఓ విధంగా ఈమె లేడీ సూపర్ స్టార్ అయ్యింది టాలీవుడ్ వల్లనే అని చెప్పడంలో అతిశయోక్తి లేదు. అలాంటి టాలీవుడ్ ను నయన్ ఈరోజు పక్కన పెట్టేసింది. మరి చిరుని మాత్రమే ఈమె ఎందుకు పిలిచినట్టు? అంటే.. ప్రస్తుతం ఆమె చిరు నటిస్తున్న ‘గాడ్ ఫాదర్’ సినిమాలో నయన్ నటిస్తుంది. అందుకే తప్పక చిరుని ఆహ్వానించి ఉండవచ్చు. గాడ్ ఫాదర్ చిత్రానికి కోలీవుడ్ స్టార్ డైరెక్టర్ అయిన మోహన్ రాజా దర్శకుడు.