Nayanthara: నయన్ తన రూల్స్ ను పక్కన పెడుతుందా..?

April 13, 2022 / 05:26 PM IST

సౌత్ ఇండస్ట్రీలో స్టార్ హీరోయిన్ గా దూసుకుపోతుంది నయనతార. గత కొన్నేళ్లుగా ఆమె ఒక రూల్ పెట్టుకుంది. అదేంటంటే.. సినిమాలో నటిస్తుంది కానీ ప్రమోషన్స్ లో మాత్రం పాల్గొనదు. ఎంత పెద్ద స్టార్ హీరో సినిమా అయినప్పటికీ.. నయన్ మాత్రం ప్రచారానికి రాదు. ఆ ప్రకారంగానే పక్కా అగ్రిమెంట్ చేయించుకుంటుంది ఈ బ్యూటీ. ఇంతకాలం ఆమె అనుకున్నట్లుగా బాగానే సాగింది కానీ ఇప్పుడొక చిక్కొచ్చిపడింది . అదేంటంటే.. నయనతార నటించిన లేటెస్ట్ సినిమా ‘కాథువాకుళ రెండు కాదల్’ విడుదలకు సిద్ధమవుతోంది.

Click Here To Watch Trailer

లెక్కప్రకారం చూసుకుంటే.. నయన్ ఈ సినిమా ప్రచారానికి కూడా రాకూడదు. కానీ ఈ ప్రాజెక్ట్ సంగతి వేరు. ఈ సినిమాలో ఆమె నటించడంతో పాటు నిర్మాతగా కూడా వ్యవహరించింది. అంతేకాదు.. ఈ సినిమా దర్శకుడు విఘ్నేష్ శివన్.. నయన్ కు కాబోయే భర్త. అతడికి సపోర్ట్ చేయడానికైనా.. నిర్మాతగా తన సినిమాకి మంచి ఓపెనింగ్స్ రాబట్టుకోవాలన్నా.. నయన్ ప్రచారంలో పాల్గొనాల్సిందే. మరి ఇన్నాళ్లుగా ఆమె పెట్టుకున్న రూల్స్ సంగతేంటి..? ఇప్పుడు తన సినిమా కోసం నియమాలు పక్కన పెట్టి బయటకు వస్తే..

ఇతర నిర్మాతలు కూడా ఆమెని ప్రమోషన్స్ కి రావాలని అడుగుతారు. ఏప్రిల్ 28న ఈ సినిమా రిలీజ్ కాబోతోంది. ఒకట్రెండు రోజుల్లో ప్రమోషన్స్ షురూ చేస్తారు. విజయ్ సేతుపతి హీరోగా నటించిన ఈ సినిమాకు మరింత బజ్ రావాలంటే నయన్ మీడియా ముందుకు రావాల్సిందే. ఈ సినిమాలో మరో హీరోయిన్ గా నటించిన సమంత కూడా మీడియా ఇంటర్వ్యూలలో పాల్గోనుంది. విడాకుల తరువాత తొలిసారి మీడియా ముందుకు రాబోతుంది సమంత. మరి ఆమెకి ఎలాంటి ప్రశ్నలు ఎదురవుతాయో చూడాలి!