నందమూరి బాలకృష్ణ హీరోగా దివంగత నేత ఎన్టీఆర్ జీవిత ఆధారంగా తెరకెక్కుతోన్న చిత్రం ‘ఎన్టీఆర్’ బయోపిక్ ను సంక్రాంతి కానుకగా రిలీజ్ చేయబోతోన్న సంగతి తెలిసిందే. రెండు పార్టులుగా తెరకెక్కుతున్న ఈ చిత్రనికి క్రిష్ జాగర్లమూడి దర్శకత్వం వహిస్తున్నారు. మొదటి పార్ట్ ను ‘ఎన్టీఆర్-కథానాయకుడు’ గా రెండవ పార్ట్ ను ‘ఎన్టీఆర్-మహానాయకుడు’ గా ప్రేక్షకుల ముందుకు రానున్నాయి. ఈ చిత్ర ప్రమోషన్స్ లో భాగంగా ఇప్పటికే రెండు పాటలను విడుదల చేయగా వాటికి మంచి స్పందన లభించింది. ఈ చిత్రానికి సంబంచిన మరొక ఆసక్తికర విషయాన్ని తాజాగా చిత్ర యూనిట్ వెల్లడించింది.
డిసెంబర్ 16 న ఈ చిత్ర ట్రైలర్ ను , అలాగే డిసెంబర్ 21 న ఆడియోని రిలీజ్ చేస్తున్నట్టు చిత్ర యూనిట్ ఖరారు చేసింది. వారాహి క్రియేషన్స్ మరియు ఎన్బికే ఫిలిమ్స్ సంయుక్తంగా నిర్మిస్తున్న ఈ చిత్రానికి ఎం.ఎం.కీరవాణి సంగీతం అందించారు. కాస్టింగ్ తోనే ఈ చిత్రం మంచి హైప్ ను సొంతం చేసుకుంది. ‘బసవతారకం’ పాత్రలో విద్యా బాలన్, ‘మహానటి’ సావిత్రి పాత్రలో నిత్యా మీనన్, జయప్రద పాత్రలో తమన్నా , ఆంధ్రప్రదేశ్ సీఎం మరియు ఎన్టీఆర్ అల్లుడి అయిన చంద్రబాబు నాయుడు పాత్రలో రానా, ఎన్టీఆర్ తనయుడు హరికృష్ణ పాత్రలో కళ్యాణ్ రామ్, అక్కినేని నాగేశ్వరరావు పాత్రలో సుమంత్ నటిస్తున్న సంగతి తెలిసిందే.
Home