Nayanatara: విఘ్నేష్ నయన్ పెళ్లికి టాలీవుడ్ స్టార్స్ అందుకే రాలేదా?

June 10, 2022 / 03:33 PM IST

ప్రముఖ టాలీవుడ్ నటీమణులలో ఒకరైన నయనతార దర్శకుడు విఘ్నేష్ శివన్ ల పెళ్లి గ్రాండ్ గా జరిగిందనే సంగతి తెలిసిందే. అయితే నయనతార టాలీవుడ్ సెలబ్రిటీలను అవమానించిందని ఇండస్ట్రీ వర్గాల్లో జోరుగా వినిపిస్తోంది. గతంలో సినిమాల విషయంలో నయనతార టాలీవుడ్ కంటే కోలీవుడ్ కు ఎక్కువగా ప్రాధాన్యత ఇచ్చారనే సంగతి తెలిసిందే. ఇప్పుడు పెళ్లి విషయంలో నయనతార అదే విధంగా చేశారు. కోలీవుడ్ సినీ ప్రముఖులందరికీ నయన్ విఘ్నేష్ పెళ్లికి ఆహ్వానం అందగా టాలీవుడ్ సినీ ప్రముఖులలో ఎక్కువమందికి మాత్రం ఆహ్వానం అందలేదని సమాచారం అందుతోంది.

చిరంజీవి, సమంతలకు మాత్రమే నయనతార పెళ్లికి ఇన్విటేషన్ అందిందని ఇండస్ట్రీలో వినిపిస్తోంది. అయితే నయనతార సన్నిహితులు మాత్రం వైరల్ అవుతున్న ఈ ప్రచారంలో ఏ మాత్రం నిజం లేదని చెబుతున్నారు. పెళ్లికి నయనతార ఎక్కువమందిని ఆహ్వానించలేదని అయితే రిసెప్షన్ కు మాత్రం చాలామందిని ఆహ్వానించిందని వాళ్లు చెప్పుకొచ్చారు. అయితే నయనతార రిసెప్షన్ కు హాజరయ్యే టాలీవుడ్ సెలబ్రిటీలు ఎవరో చూడాల్సి ఉంది. తెలుగులో దాదాపుగా అందరు సీనియర్ స్టార్ హీరోలతో నయనతార సినిమాలు చేసింది.

యంగ్ జనరేషన్ స్టార్ హీరోలతో కూడా ఆమె నటించడం గమనార్హం. సమంత నయనతార పెళ్లికి కచ్చితంగా హాజరవుతారని అందరూ భావించినా సామ్ మాత్రం ఖుషి మూవీ షూటింగ్ లో బిజీగా ఉండటంతో పెళ్లికి హాజరు కాలేదు. ఇన్నేళ్ల సినీ కెరీర్ లో అన్ని రకాల పాత్రల్లో నటించిన నయనతార ఇకపై గ్లామర్ రోల్స్ కు దూరంగా ఉండనున్నారని సమాచారం అందుతోంది. నయనతార పెళ్లి తర్వాత కూడా విజయాలను అందుకోవాలని ఆమె ఫ్యాన్స్ కోరుకుంటున్నారు.

కోలీవుడ్, బాలీవుడ్ సెలబ్రిటీలు నయన్ విఘ్నేశ్ లకు ఖరీదైన కానుకలు ఇచ్చారని సమాచారం అందుతోంది. ఈ పెళ్లికి భారీ మొత్తంలోనే ఖర్చు చేశారని సమాచారం. నయన్ విఘ్నేష్ పెళ్లి సందర్భంగా పలు దేవాలయాలలో అన్నదాన కార్యక్రమాలు కూడా జరిగాయి.