రవితేజ కథానాయకుడిగా పూరీ జగన్నాధ్ దర్శకత్వంలో తెరకెక్కిన “నేనింతే” చిత్రంలో కథానాయికగా నటించిన సియా గౌతమ్ ఎంతమందికి గుర్తుంది చెప్పండి. ఆ తర్వాత అమ్మడు “వేదం” సినిమాలోనూ మనోజ్ భాజ్ పాయ్ వైఫ్ గానూ కనిపించింది. ఆ తర్వాత సియా గౌతమ్ మళ్ళీ ఎక్కడా కనిపించలేదు. తర్వాత కొన్నాళ్ళకి చిన్న చిన్న ఈవెంట్స్ లో కనిపించేసరికి అందరూ షాక్ అయ్యారు. అసలు ఈ అమ్మాయ్ ఎందుకని హీరోయిన్ గా మళ్ళీ కనిపించలేదు అని.
కట్ చేస్తే.. ఇవాళ విడుదలైన “సంజు” ట్రైలర్ లో సియా తళుక్కున మెరిసింది. సంజయ్ దత్ జీవితం ఆధారంగా తెరకెక్కిన ఈ చిత్రానికి రాజ్ కుమార్ హీరానీ దర్శకుడు. రణబీర్ కపూర్ కీలకపాత్ర పోషిస్తున్న ఈ చిత్రం జూన్ 29న విడుదలకానుంది. ఈ చిత్రంలో సంజయ్ దత్ చెల్లెలిగా సియా గౌతమ్ నటించింది. సినిమాలో ఆమెది మంచి పాత్రేనట. ఈ సినిమా తర్వాత బాలీవుడ్ లో మంచి గుర్తింపు లభిస్తుందన్న నమ్మకం వ్యక్తం చేస్తుంది సియా గౌతమ్. బాలీవుడ్ లో సరే కానీ.. ఈ అమ్మడికి టాలీవుడ్ లోనూ ఆఫర్లు వస్తే బాగుండు.
