నెట్ఫ్లిక్స్ – మెగా ఫ్యామిలీ… ఈ రిలేషన్‌ ఇప్పటిది కాదు. చాలా రోజులుగా ఈ అనుబంధం సాగుతోంది. మెగా హీరోల సినిమాలు ఎక్కువగా నెట్‌ఫ్లిక్స్‌లోనే స్ట్రీమ్‌ అవుతున్నాయి. ఈ నేపథ్యంలో మెగాస్టార్ ఇంటికి ఇటీవల నెట్‌ఫ్లిక్స్‌కు సంబంధించిన విశిష్ఠ అతిథి వచ్చారు. చిరంజీవితో పాటు రామ్ చరణ్, ఇతర మెగా హీరోలను కలిశారు. ఎందుకు, ఏంటి అనే విషయంలో క్లారిటీ లేదు కానీ… వారి ఫొటోలు ఇప్పుడు సోషల్‌ మీడియాలో వైరల్‌గా మారాయి.
వచ్చిన వ్యక్తి నెట్ఫ్లిక్స్ సీఈఓ టెడ్ సరాండోస్. హైదరాబాద్ ఎయిర్ పోర్టులో దిగిన వెంటనే సరాసరి మెగాస్టార్ ఇంటికి వచ్చారట. ఈ నేపథ్యంలో ఆయనకు మెగా హీరోలు సాదర స్వాగతం పలికారు. ఆ తర్వాత కాసేపు సరదాగా ముచ్చటించుకున్నారు. సెల్ఫీలు, ఫొటోలు దిగారు. సాయి ధరమ్ తేజ్, పంజా వైష్ణవ్ తేజ్‌తోపాటు ‘బాహుబలి’ నిర్మాతల్లో ఒకరైన శోభు యార్లగడ్డ, (Ram Charan) చరణ్ మిత్రుడు, నిర్మాత విక్రమ్ ఉన్నారు.
ఈ ఫొటోలు చూసిన నెటిజన్లు నెట్ఫ్లిక్స్ బృందం మెగా హోమ్‌ను క్యాజువల్‌గా సందర్శించిందా? ఏదైనా ప్రాజెక్టు కోసం మాట్లాడటానికి వచ్చిందా అనేది తెలియడం లేదు. మామూలుగా అయితే పెద్ద పెద్ద డీల్స్‌ మాట్లాడటానికి మాత్రమే సీఈఓలు ముందుకొస్తుంటారు. అందుకే డౌట్‌ వస్తోంది. మెగా హీరోలతో ఏమైనా సిరీస్, షో ప్లాన్‌ చేస్తున్నారా అని చర్చలు జరుగుతున్నాయి. అయితే ఈ విషయంలో ఎలాంటి లీక్‌లు రాలేదు. కేవలం ఫొటోలు మాత్రమే సోషల్‌ మీడియాలో కనిపించాయి.
ప్రస్తుతం టాలీవుడ్‌ హీరోలు వరుసగా ఓటీటీలవైపు చూస్తున్నారు. వెబ్ సిరీస్‌లు, టాక్‌ షోలు చేయడానికి ముందుకొస్తున్నారు. ఈ నేపథ్యంలో నెట్ఫ్లిక్స్ – మెగా ఫ్యామిలీ కలసి ఏదైనా షో కానీ, సిరీస్ కానీ ప్లాన్‌ చేస్తున్నారా అనేది తెలియాల్సి ఉంది. అయితే నెక్స్ట్‌రాబోయే మెగా హీరోల సినిమాలన్నీ నెట్‌ఫ్లిక్స్‌లోనే ఉంటాయి అనే టాక్‌ నడుస్తోంది. దీనిపై త్వరలోనే క్లారిటీ వస్తుంది అని చెబుతున్నారు. ఈలోపు నెటిజన్లు కథలు కథలు వండేస్తున్నారు.
యానిమల్ సినిమా రివ్యూ & రేటింగ్!
దూత వెబ్ సిరీస్ రివ్యూ & రేటింగ్!
‘వీరమల్లు’ టు ‘ ఆర్.టి.జి.ఎం 4’ హోల్డ్ లో పడిన 10 ప్రాజెక్టులు ఇవే..!
