సాధారణంగా ఏ భాషలోనైనా డబ్బింగ్ సినిమా హిట్టైతే ఆ డబ్బింగ్ సినిమాలో నటించిన హీరో పాత సినిమాలను కూడా రిలీజ్ చేయడానికి నిర్మాతలు ఆసక్తి చూపుతుంటారు. అయితే ఈ మధ్య కాలంలో క్రేజ్ తెచ్చుకున్న హీరోలు కెరీర్ తొలినాళ్లలో నటించి వేర్వేరు కారణాల వల్ల ఆగిపోయిన సినిమాలు విడుదలవుతూ ఆయా హీరోలకు తలనొప్పులను తెచ్చిపెడుతున్నాయి. ఆ సినిమాలను ప్రమోట్ చేయాలో వద్దో అర్థం కాక హీరోలు ఇబ్బందులు పడుతున్నారు. చిత్రం, నువ్వునేను, మనసంతా నువ్వే సినిమాలతో వరుస విజయాలను సొంతం చేసుకున్న ఉదయ్ కిరణ్ ఆ సినిమాల్లో నటించక ముందే జోడీ నెం. 1 అనే సినిమాలో నటించారు.
ఈ సినిమాలో ఉదయ్ కిరణ్ లేడీ గెటప్ లో నటించడం గమనార్హం. అయితే ఉదయ్ కిరణ్ కు స్టార్ డమ్ వచ్చిన తరువాత జోడీ నెం.1 సినిమా విడుదలై బాక్సాఫీస్ దగ్గర ఫ్లాప్ గా నిలిచింది. ఆ తరువాత హీరో విజయ్ దేవరకొండ విషయంలో కూడా ఇదే విధంగా జరిగింది. అర్జున్ రెడ్డి సినిమాతో విజయ్ దేవరకొండకు క్రేజ్ వచ్చిన తరువాత విజయ్ కెరీర్ తొలినాళ్లలో నటించిన ఏ మంత్రం వేశావె సినిమా రిలీజైంది. అయితే ఈ సినిమాను విజయ్ ప్రమోట్ చేయకపోవడం వల్ల ప్రేక్షకులు పెద్దగా పట్టించుకోలేదు.
ప్రస్తుతం కార్తికేయ కెరీర్ తొలినాళ్లలో నటించిన సినిమా ఫైనల్ సెటిల్ మెంట్ పేరుతో రిలీజ్ కానుంది. ఆర్ ఎక్స్ 100 సినిమాతో గుర్తింపు తెచ్చుకున్న కార్తికేయ గత సినిమా చావుకబురు చల్లగా థియేటర్లలో ఫ్లాపైనా ఓటీటీలో హిట్టైంది. నటుడిగా కార్తికేయ ఎదుగుతున్న తరుణంలో ఫైనల్ సెటిల్ మెంట్ సినిమా ఫస్ట్ లుక్ రిలీజైంది. ఈ సినిమా కార్తికేయ కెరీర్ పై ఎలాంటి ప్రభావం చూపుతుందో చూడాల్సి ఉంది. క్రేజ్ వచ్చిన తరువాత రిలీజవుతూ ఫైనల్ సెటిల్ మెంట్ మూవీ కార్తికేయను టెన్షన్ పెడుతుందనే చెప్పాలి.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home