Nikhil: తన సినిమాలపై ఎమోషనల్‌ ట్వీట్‌ చేసిన నిఖిల్‌!

January 27, 2022 / 07:45 PM IST

కరోనా ప్రపంచంలోని పరిశ్రమలన్నింటినీ… ఇబ్బంది పెడుతోంది. పేర్లు మార్చుకుంటూ ప్రజలతో ఆటాడుకుంటోంది. అయితే దీనికి సినిమా పరిశ్రమ కూడా అతీతం కాదు. సినిమాల్లో సూపర్‌ హీరోలుగా వెలుగొందుకున్న మన కథానాయకుల్ని… తన స్క్రిప్ట్‌లో నిమిత్తమాత్రుల్ని చేస్తోంది. అలా కరోనా పెడుతున్న ఇబబ్బంది వల్ల రెండేళ్లుగా సినిమా విడుదల కాని హీరోలు కొంతమంది ఉన్నారు. అందులో నిఖిల్‌ కూడా ఒకడు. తాజాగా తన బాధను ట్వీట్‌ రూపంలో వెల్లడించారు. నిఖిల్‌ నుండి ఆఖరిగా వచ్చిన సినిమా ‘అర్జున్‌ సురవరం’.

ఈ సినిమా నవంబరు 29, 2019న ప్రేక్షకుల ముందుకొచ్చింది. అప్పటికే ప్రపంచంలో కరోనా ఉన్నా… మన దేశంలోకి అంతగా రాలేదు. కానీ… ఆ తర్వాత కరోనా కథ మార్చేసింది. దీంతో సినిమాల విడుదల పక్కన పెడితే, షూటింగ్‌లకే ఇబ్బంది కలుగుతోంది. దీంతో చాలామంది హీరోలు చిత్రీకరణలు ఆపి మరీ… ఇంట్లో కూర్చుకున్నారు. ఆ తర్వాత పరిస్థితులు అనుకూలించి… తిరిగి కెమెరాల ముందుకొచ్చారు. అలా నిఖిల్‌ కూడా షూటింగ్‌లు చేశాడు. కానీ ఏ సినిమా కూడా పూర్తవ్వలేదు.

నిఖిల్‌ ‘అర్జున్‌ సురవరం’ తర్వాత నాలుగు సినిమాలు ఓకే చేశాడు. కానీ ఏవీ పూర్తవ్వలేదు. ప్లానింగ్‌ప్రకారం అన్నీ చూసుకున్నా… కరోనా పరిస్థితుల నేపథ్యంలో వాయిదా పడుతూ వచ్చాయి. దీంతో నిఖిల్‌ బాగా అప్‌సెట్‌ అయ్యాడు. ఆ విషయాన్నే ట్వీట్‌లో పేర్కొన్నాడు. ‘‘కరోనా మహమ్మారి జీవితాల్ని ఇంతలా నాశనం చేస్తుంటే బాధేస్తోంది. ‘అర్జున్‌ సురవరం’ తర్వాత నేను నాలుగు సినిమాలకు ఓకే చెప్పా. దేనికదే అద్భుతమైన కథ. కానీ సినిమా రిలీజ్‌ దగ్గరకు వచ్చేసరికి నా చేతుల్లో ఏం లేకుండా పోయింది.

సినిమా విడుదలల విషయంలో ఎలాంటి ఇబ్బందులు లేకుండా చూడమని దేవుణ్ని ప్రార్థించడం ఒక్కటే మిగిలింది’’ అంటూ ట్వీట్‌లో పేర్కొన్నాడు నిఖిల్‌. నిఖిల్‌ – అనుపమ పరమేశ్వరన్‌ నటించి ‘18 పేజెస్‌’ సినిమాను ఫిబ్రవరి 18న విడుదల చేస్తామన్నారు. కానీ పరిస్థితులు చూస్తే అనుకూలంగా లేవు. దాంతోపాటు నిఖిల్‌ – చందూ మొండేటి దర్శకత్వంలో ‘కార్తికేయ 2’ సినిమాలో నటిస్తున్నాడు. దీంతోపాటు మరో సినిమాలు ఓకే చేశాడు.

Very sad to c this Pandemic affect careers on this level..
After the succes of #ArjunSuravaram I signed 4 movies… 4 brilliant scripts that I am very confident about. But Release dates have all gone Haywire.
Praying to God this all sorts out & we release the movies Perfectly

— Nikhil Siddhartha (@actor_Nikhil) January 26, 2022