తెలుగులో ప్రస్తుతం మోస్ట్ బిజీయస్ట్ హీరో ఎవరు అంటే నితిన్ అనే సమాధానం వస్తే మాత్రం ఆశ్చర్యపోనక్కర్లేదు. ఎందుకంటే.. ఒకేసారి మూడు సినిమాలు చేస్తూ బాబు ఫుల్ బిజీగా ఉన్నాడు. వెంకీ కుడుముల దర్శకత్వంలో నటిస్తున్న “భీష్మ” షూటింగ్ దాదాపు పూర్తైపోగా.. ప్రస్తుతం చంద్రశేఖర్ ఏలేటి సినిమాలో నటించడానికి రెడీ అవుతున్నాడు నితిన్. అయితే.. ఈ చిత్రంలో కథానాయికగా మిస్ ఇండియా తెలంగాణ 2017గా ఎన్నికైన సిమ్రాన్ చౌదరిని సెలక్ట్ చేశారు. ఆల్రెడీ “ఈ నగరానికి ఏమైంది” చిత్రంతో కథానాయికగా ఎంట్రీ ఇచ్చిన సిమ్రాన్ కి ఇది రెండో సినిమా.
తెలుగు భాష రావడంతోపాటు.. నటిగా మంచి అనుభవం కూడా ఉండడంతో.. ఇటీవల ఆమె ఆడిషన్ చూసిన డైరెక్టర్ చంద్రశేఖర్ ఏలేటి ఆమెను ఫైనల్ చేశాడట. ఈ సినిమాలో మరో కథానాయికకు కూడా అవకాశం ఉంది. మరి ఆమె ఎవరో తెలియాలంటే మాత్రం కాస్త టైమ్ పడుతుంది. ఇకపోతే.. నితిన్ “గద్దలకొండ గణేష్” చిత్రంలో పోషించిన గెస్ట్ రోల్ కి మంచి రెస్పాన్స్ వచ్చింది.
గద్దలకొండ గణేష్ (వాల్మీకి) సినిమా రివ్యూ కోసం ఇక్కడ క్లిక్ చెయ్యండి
గ్యాంగ్‌ లీడర్ సినిమా రివ్యూ కోసం ఇక్కడ క్లిక్ చెయ్యండి
