గత నెల 21న విడుదలైన భీష్మ సూపర్ హిట్ దిశగా దూసుకు వెళుతుంది. మొదటివారానికే బ్రేక్ ఈవెన్ చేరిన భీష్మ ప్రస్తుతం బయ్యర్ల కు లాభాలు పంచుతుంది. రెండు తెలుగు రాష్ట్రాల్లో కలిపి భీష్మ 19 నుండి 20కోట్ల ప్రీ రిలీజ్ బిసినెస్ చేసింది. ఈ మొత్తం ఇప్పటికే దాటివేసినట్టు తెలుస్తున్న సమాచారం. ఇక ఈ వారం కూడా భీష్మ హవానే సాగేట్లు కనిపిస్తుంది. ఈ వారం అన్ని చిన్న సినిమాలే విడుదల కాగా అందులో కొంచెం జనానికి తెలిసిన హిట్ మూవీ సైతం మిక్స్డ్ టాక్ తెచ్చుకుంది. ఎటువంటి కమర్షియల్ ఎలిమెంట్స్ లేని హిట్ మూవీని అన్ని వర్గాల ప్రేక్షకులు ఇష్టపడే అవకాశం లేదు.
దీనితో ఈ వారం కూడా నితిన్ భీష్మ వసూళ్ల జోరు కొనసాగే అవకాశం కలదు. సంక్రాంతి చిత్రాలు ఒకింత భీష్మ జోరుకు అడ్డుకట్ట వేస్తున్నాయి. చాలా కాలం తరువాత ఓ క్లీన్ హిట్ అందుకున్న నితిన్ మళ్ళీ ఫార్మ్ లోకి వచ్చాడు. యంగ్ డైరెక్టర్ వెంకీ కుడుముల ఈ చిత్రానికి దర్శకత్వం వహించగా, యూత్ ఫుల్ లవ్ ఎంటర్టైనర్ గా తెరకెక్కింది. నితిన్ కి మొదటిసారి జంటగా రష్మిక మందాన నటించారు. సూర్యదేవర నాగ వంశీ నిర్మించగా మహతి స్వర సాగర్ సంగీతం అందించారు.
Most Recommended Video
‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!
